మెగా లాంచ్ కు బాలయ్యే అతిథా??

ఈ సోమవారం (30 జనవరి) మెగా మేనల్లుడు సాయిధరమ్ తేజ్ కొత్త సినిమా లాంచ్ అవ్వనుంది. ఇప్పటికే 'విన్నర్' 'నక్షత్రం' వంటి సినిమాలతో రిలీజ్ కు రెడీ అయిపోతున్న సాయిధరమ్ తేజ్ ఇప్పుడు మరో కొత్త సినిమాను మొదలెట్టేయడానికి రెడీ అయిపోతున్నాడు.

గతంలో గోపిచంద్ తో 'వాంటెడ్' వంటి సినిమాను తీసిన కాస్త నిరాశపరిచిన రచయిత బివిఎస్ రవి ఇప్పుడు కొత్త సినిమాతో వస్తున్నాడు. కొత్తదైన కథతో సాయిధరమ్ తేజ్ హీరోగా.. మెహ్రీన్ పీర్జాదా హీరోగా ఇప్పుడు కొత్త సినిమాను మొదలెడుతున్నాడు. రేపు ఉదయం ఈ సినిమా తాలూకు లాంచింగ్ కార్యక్రమానికి ముహూర్తం ఫిక్స్ చేశారు. అయితే ఈ మెగా లాంచ్ కు అతిథి ఎవరు? ఇప్పటికే ఒక 'టాప్ హీరో' అని ప్రచారం చేయడంతో.. కఛ్చితంగా నందమూరి బాలకృష్ణ ఈ చీఫ్‌ గెస్ట్ అంటూ ఫ్యాన్స్ సర్కిల్స్ లో వినిపిస్తోంది.

ఏదేమైనా కూడా.. ఈ మధ్యన తెలుగు హీరోలందరూ తమ మధ్యన ఎటవంటి సరిహద్దులూ లేకుండా చెరిపేసుకుంటూ.. ఒకరి కార్యక్రమానికి ఒకరు హాజరు కావడం అనేది మంచి పరిణామమే. అప్పుడు ఫ్యాన్స్ కు ద్వేష భావజాలాన్నీ పెంచుకోకుండా ఉంటారు.

Like Us on Facebook : https://www.facebook.com/Tupakidotcom/