'బిగ్‌ బాస్' ఫేమ్ సోహైల్ హీరోగా కొత్త చిత్రం ప్రారంభం..!

'బిగ్‌ బాస్' తెలుగు సీజన్-4 రియాలిటీ షోతో మంచి గుర్తింపు సంపాదించుకున్నాడు కంటెస్టెంట్ సయ్యద్ సోహైల్ రియాన్. కథ వేరేలా ఉంటది అంటూ అందరి అభిమానాన్ని చూరగొన్న సింగరేణి యువకుడు సొహైల్.. ఇంతకముందు కొన్ని సినిమాలలో చిన్న సైడ్ క్యారెక్టర్స్ పోషించాడు. అయితే బిగ్ బాస్ హౌస్ నుంచి బయటకొచ్చాక.. సోహైల్ హీరోగా ఇంట్రడ్యూస్ అవుతున్నట్లు ఆ మధ్య అనౌన్స్ మెంట్ వచ్చిన సంగతి తెలిసిందే. ఇంకా టైటిల్ ఖరారు చేయని ఈ సినిమాని నేడు బుధవారం పూజా కార్యక్రమాలతో లాంఛనంగా ప్రారంభించారు. అతి త్వరలోనే రెగ్యులర్ షూటింగ్ స్టార్ట్ కాబోతున్నట్లు చిత్ర యూనిట్ వెల్లడించింది.

నూతన దర్శకుడు శ్రీనివాస్ వింజనంపాటి ఈ చిత్రాన్ని తెరకెక్కిస్తున్నాడు. మైక్ మూవీ బ్యానర్ పై 'జార్జ్ రెడ్డి' 'ప్రెజర్ కుక్కర్' లాంటి సినిమాలతో విమర్శకుల ప్రశంసలు అందుకున్న ప్రొడ్యూసర్ అప్పిరెడ్డి.. ప్రొడక్షన్ నెం.3 గా ఈ చిత్రాన్ని నిర్మిస్తున్నాడు. ‘మహానుభవుడు’ ‘నేను లోకల్’ వంటి చిత్రాలకు వర్క్ చేసిన సినిమాటోగ్రాఫర్ నిజార్ షఫీ ఈ చిత్రానికి పని చేస్తున్నాడు. అలానే 'మళ్లీరావా' సినిమాకి సూపర్ హిట్ ఆల్బమ్ అందించిన శ్రావణ భరద్వాజ్ ఈ చిత్రానికి సంగీతం సమకూరుస్తున్నాడు. గాంధీ నడికుడికార్ ఆర్ట్ డైరెక్టర్ గా వ్యవహరిస్తున్నారు. సరికొత్త పాయింట్ తో స్టార్ టెక్నిషియన్స్ తో ఈ యాక్షన్ ఎంటర్టైనర్ ని రూపొందించనున్నట్లు మేకర్స్ వెల్లడించారు. ఈ ప్రాజెక్ట్ కి సంబంధించిన మరిన్ని వివరాలు త్వరలోనే వెల్లడి కానున్నాయి.