'యూకే'కు మకాం మార్చనున్న బిగ్ బాస్ విన్నర్..!?

టాలీవుడ్ యాక్టర్ - బిగ్ బాస్ సెకండ్ సీజన్ విన్నర్ కౌశల్.. త్వరలోనే హైదరాబాద్ నుండి లండన్ కు మకాం మార్చే ఆలోచనలో ఉన్నట్లు ఇటీవలే ఆయనే స్వయంగా ప్రకటించినట్లు తెలుస్తుంది. ప్రస్తుతం తెలుగు రాష్ట్రాలలో కరోనా కారణంగా పరిస్థితి దారుణంగా మారింది. ఎక్కడి సినిమాలు అక్కడే ఆగిపోయాయి. మేకర్స్ యాక్టర్స్ షూటింగ్ నిలిపేసి ఎవరిళ్లకు వారు చేరుకున్నారు. దేశంలో లక్షల్లో కరోనా కేసులు, మరణాలు సంభవిస్తున్న నేపథ్యంలో ఎంతోమంది సెలబ్రిటీలు కొంతకాలం వరకు దేశం దాటి ప్రశాంతంగా ఉండాలని ఆలోచిస్తున్నారు. అందుకు తగ్గట్టుగా ప్రయాణాలకు సిద్ధం అవుతున్నారు. మరోవైపు సినిమాలు ఆగిపోవడం కారణంగా పనులు కూడా లేకపోవడంతో ప్రస్తుతానికి వేరే దారి వెతుక్కుంటున్నారు.

అదేవిధంగా ఇప్పుడు బిగ్ బాస్ కౌశల్ కూడా హైదరాబాద్ లోని తన ఆఫీస్ మూసేసినట్లు స్వయంగా తెలిపాడు. ప్రస్తుతం హైదరాబాద్ లో ఎలాంటి మోడలింగ్ అండ్ సినిమాలకు స్కోప్ లేకపోవడంతో యూకే లండన్ లో మోడలింగ్ స్కోప్ ఎక్కువనే ఉద్దేశంతో వెళుతున్నట్లు టాక్. నిజానికి కౌశల్ ఎందుకు వెళుతున్నాడో చెప్పలేదు. కానీ ఆయన భార్య మాత్రం యూకేలో అకాడమిక్ కోర్స్ చేస్తున్నట్లు తెలిపాడు. అందుకే తాను కూడా త్వరలోనే అక్కడికి వెళ్లనున్నాడట. కౌశల్ యూకేలో ఎందుకు సెటిల్ అవ్వాలని అనుకున్నాడో కారణం తెలియలేదు. కానీ తన డ్రీమ్ ప్రాజెక్ట్ ఫీచర్ ఫిల్మ్ అని మాత్రం చెప్పుకొచ్చాడు. అది పూర్తి చేయడానికి ఇంకా తాను వెయిట్ చేయదలచుకోలేదు అని చెప్పాడు కౌశల్. ప్రస్తుతం ఈ యాక్టర్ యూకేకు వెళ్లడానికి సన్నద్ధం అవుతున్నాడట.