'సమోసాలు' కావాలంటున్న స్టార్ హీరో పోస్ట్ వైరల్..!

బాలీవుడ్ స్టార్ హీరో హృతిక్ రోషన్ ఇటీవలే తాను సమోసాలను బాగా మిస్ అవుతున్నట్లు సోషల్ మీడియాలో పోస్ట్ చేసాడు. అంతే సోషల్ మీడియా యూసర్స్, అభిమానులు ఊరుకుంటారా.. అలా ఆ పోస్ట్ తో హృతిక్ పోస్టును ఈరోజు ట్రెండింగ్ అయ్యేలా చేశారు. హృతిక్ కొత్త ఇంస్టాగ్రామ్ పోస్టుతో తాజాగా సోషల్ మీడియా వార్తల్లో హాట్ టాపిక్ గా మారాడు. కానీ ఈ నలభై ఏడేళ్ల హ్యాండ్సమ్ హీరో పోస్టుకు విశేషమైన స్పందన రావడం ఆశ్చర్యం కలిగిస్తుంది. అందులోను ఓ ప్రముఖ ఫుడ్ డెలివరీ సంస్థ కూడా హృతిక్ పోస్ట్ పై కామెంట్ చేయడం సంచలనంగా మారింది. హృతిక్ పోస్ట్ చేసిన ఇంస్టాగ్రామ్ ఫోటోలో.. హీరో వైట్ షర్ట్, డెనిమ్ జీన్స్ ధరించి ఎప్పటిలాగే స్టైలిష్ గా కనిపించాడు.

అలాగే ఇంట్లోనే తన ల్యాప్‌టాప్‌లో ఫుడ్ మెనూ కార్డు చూస్తూ బిజీగా ఉన్నాడు. కానీ ఏం ఆర్డర్ ఇచ్చాడో హ్యాష్‌ట్యాగ్‌ల ద్వారా తెలియజేసాడు. హృతిక్ సమోసాలను బాగా మిస్ అవుతున్నట్లు తెలిపాడు. కానీ ఫోటోలో హృతిక్ సీరియస్ ముఖం చూసి అంతా ఏవేవో అనుకున్నారు. కానీ హీరో స్పందించి.. 'ముఖం చూసి మోసపోకండి. నేను మెనూ చూస్తున్నాను' అంటూ కాప్షన్ జోడించాడు. అయితే ఈ పోస్ట్ పై బాలీవుడ్ తారలు టైగర్ ష్రాఫ్, హీరోయిన్ ప్రీతిజింటాలతో సహా పలువురు కామెంట్ చేశారు. కానీ అందరిలోకెల్లా జొమోటో చేసిన కామెంట్ ఫన్నీగా ఆకర్షిస్తోంది. హృతిక్ పోస్ట్ కింద.. "మేరీ శక్తియోన్ కా సాహి ఇస్తెమల్ హో రాహా హై మా" అని జోమాటో కామెంట్ వచ్చింది. ఆశ్చర్యం ఏంటంటే.. ఆ కామెంట్ హృతిక్ నటించిన క్రిష్ సినిమాలో డైలాగ్. దాని అర్ధం ఏంటంటే.. నా శక్తులు దుర్వినియోగం అయిపోయాయి అమ్మా! అని మీనింగ్. ప్రస్తుతం ఫోటోతో పాటు జొమోటో కామెంట్ కూడా వైరల్ అవుతోంది. ఇదిలా ఉండగా.. హృతిక్ చివరిగా వార్ సినిమాలో కనిపించాడు. త్వరలో ఓ హాలీవుడ్ రీమేక్ వెబ్ సిరీస్ లో నటించనున్నట్లు సమాచారం.