పేరు చెప్పలేదు.. కాని కన్ఫాం చేశాడు

సరైనోడు. అల్లు అర్జున్‌ హీరోగా రకుల్‌ ప్రీత్‌ సింగ్‌ - క్యాథరీన్‌ త్రెసా కథానాయికలుగా రూపొందుతున్న సినిమా. అయితే ఈ సినిమా టైటిల్ ను ఒకానొకప్పుడు ఒక ప్రెస్‌ మీట్‌ లో రకుల్‌ స్వయంగా చెప్పేసింది. అక్కడి నుండి టైటిల్‌ లీక్‌ అయిపోయింది. కాని దర్శకుడు బోయపాటి శ్రీను మాత్రం ఇంకా ఈ టైటిల్‌ తో శాటిస్ఫై అయినట్లు లేడు.

స్టయిలిష్‌ స్టార్‌ బన్నీ సొంత నిర్మాణసంస్థ గీతా ఆర్ట్స్ బ్యానర్‌ పై అల్లు అరవింద్ ఈ సినిమాను నిర్మిస్తున్నారు...  సంక్రాంతికి సందడి చేసే స్టార్ హీరోల సినిమాల లిస్ట్‌ లో అల్లు అర్జున్ సినిమా కూడా చేరిన సంగతి తెలిసిందే. అయితే బన్నీ వస్తోంది సరైనోడు ఫస్ట్ లుక్‌ తో... సంక్రాంతి కానుకగా సరైనోడు మూవీ ఫస్ట్ లుక్‌ ను రిలీజ్ చేస్తున్నట్లు దర్శకుడు బోయపాటి సోషల్ మీడియా ద్వారా తెలిపారు. కాకపోతే మనోడు కేవలం ఫస్ట్‌ లుక్‌ విల్‌ బి అవుట్‌ అన్నాడు కాని.. సినిమా పేరును మాత్రం చెప్పట్లేదు.

ఇకపోతే ఇప్పటికే ఈ టైటిల్‌ ఆడియన్స్‌ లోకి బాగా వెళ్లిపోయింది కాబట్టి.. దీనినే కంటిన్యూ చేస్తే బెటర్‌ అనేది అందరి ఫీలింగ్‌.