సింహా - లెజెండ్‌ ని మించి ఇస్తా!

న‌ట‌సింహా నంద‌మూరి బాల‌కృష్ణ క‌థానాయ‌కుడిగా సింహా - లెజెండ్ లాంటి బ్లాక్ బ‌స్ట‌ర్ చిత్రాల్ని అందించాడు బోయ‌పాటి. ఆ రెండిటి త‌ర్వాత చాలా కాలంగా బాల‌య్య డేట్స్ కోసం వేచి చూస్తున్నాడు. మ‌ధ్య‌లో గౌత‌మిపుత్ర శాత‌క‌ర్ణి - పైసా వ‌సూల్ (పూరి) లాంటి చిత్రాల‌తో బాల‌య్య బాబు బిజీ అయిపోవ‌డంతో వెంట‌నే తీయ‌డం కుద‌ర‌లేదు. ఈలోగానే బోయ‌పాటి వేరే ప్రాజెక్టుల‌తో బిజీ అయిపోయాడు. బెల్లంకొండ‌తో `జ‌య జాన‌కి నాయ‌క` చిత్రం తీసి అటుపై రామ్ చ‌ర‌ణ్ హీరోగా `విన‌య విధేయ రామా` చిత్రం తీస్తున్నాడు.

చ‌ర‌ణ్ తో సినిమా పూర్త‌వ్వ‌గానే బాల‌య్య‌తో సినిమాని ఖాయం చేసుకున్నాడు. నేడు హైద‌రాబాద్ జేఆర్‌ సీలో జ‌రిగిన `క‌థానాయ‌కుడు` ప్రీరిలీజ్ వేడుక‌లో బోయ‌పాటి మాట్లాడుతూ ... నంద‌మూరి బాల‌కృష్ణ హీరోగా హ్యాట్రిక్ సినిమా తీస్తున్నాన‌ని ప్ర‌క‌టించారు. ఫిబ్ర‌వ‌రిలో సెట్స్ కెళుతున్నామ‌ని .. ఇత‌ర వివ‌రాలు చెబుతామ‌ని తెలిపాడు. సింహా - లెజెండ్ ని మించిన సినిమా ఇస్తాన‌ని అన్నాడు బోయ‌పాటి.

కాల‌చ‌క్రం తిప్పి చూపించ‌గ‌లిగే అద్భుత అవ‌కాశం సినిమాకే ఉంటుంది.. మ‌నం ఎవ‌రం అయినా గాడ్ ఫాద‌ర్ వెన‌క ఉన్నాడ‌ని అంటాం. సాక్షాత్తూ `గాడ్‌`నే ఫాద‌ర్‌ గా పొందారు నంద‌మూరి బాల‌కృష్ణ‌. ఆయ‌న విశ్వ‌విఖ్యాత న‌ట‌సార్వ‌భౌముడిగా న‌టించ‌డం ఆనందించ‌ద‌గిన‌ది. ఒక మ‌హానుభావుని జీవితాన్ని పెద్ద తెర‌పై చూసే భాగ్యం క‌లుగుతోంది.. అని అన్నారు. మొత్తానికి ఒక పెద్ద వేదిక‌పై నంద‌మూరి అభిమానుల ముందు త‌న సినిమాని మాత్రం బోయ‌పాటి ఖాయం చేసుకున్నారు.