పుష్ప నుండి బన్నీ బర్త్ డే సర్ప్రైజ్.. అదేనా??

స్టైలిష్ మూవీ మేకర్ సుకుమార్ దర్శకత్వంలో స్టైలిష్ స్టార్ అల్లు అర్జున్ 20వ సినిమా తెరకెక్కుతున్న విషయం తెలిసిందే. డైరెక్టర్ సుకుమార్ - అల్లు అర్జున్ కాంబినేషన్ లో సిద్ధం అవుతున్న మూడో సినిమా కాబట్టి హ్యాట్రిక్ కొడతారని అభిమానులలో భారీ అంచనాలు నెలకొన్నాయి. అయితే ఈ సినిమాలో అల్లు అర్జున్ చిత్తూరు యాసను మాట్లాడుతూ నెరిసిన గడ్డంతో లారీ డ్రైవర్ గా కనిపించనున్నాడు. లీడింగ్ ప్రొడక్షన్ హౌస్ మైత్రి మూవీ మేకర్స్ వారు ఈ సినిమాను భారీ బడ్జెట్ తో నిర్మిస్తున్నారు. ఈ సినిమాలో లేటెస్ట్ ట్రెండీ బ్యూటీ రష్మిక మందన  హీరోయిన్ గా నటిస్తోంది. ఈ నేపథ్యంలో బన్నీ * సుక్కుల అభిమానులకు ఊరటనిచ్చేందుకు గతేడాది బన్నీ పుట్టినరోజు సందర్బంగా సినిమా పోస్టర్ తో పాటు పుష్ప టైటిల్ కూడా ప్రకటించారు మేకర్స్.

మరి ఏమి అడగకుండానే గతేడాది సుకుమార్ టీమ్ ఇచ్చిన సర్ప్రైజ్ అదిరిపోయింది. ఐతే ఈ ఏడాది ఎలాంటి సర్ప్రైజ్ ఇస్తారో అని ఫ్యాన్స్ ఆత్రంగా ఎదురు చూస్తున్నారు. నిజానికి ఏప్రిల్ 8న బన్నీ పుట్టినరోజు సందర్బంగా ఎన్నో ఊహగానాలు ఇండస్ట్రీలో వ్యక్తం అవుతున్నాయి. అందులో బన్నీ పుట్టినరోజుకు పుష్ప నుండి ఖచ్చితంగా మంచి సర్ప్రైజ్ ఉండబోతుందని అంచనా వేస్తున్నారు. లాస్ట్ ఇయర్ పోస్టర్ రిలీజ్ చేశారు కాబట్టి ఈసారి బన్నీ లుక్ టీజర్ వదిలితే బాగుంటుందని ఫ్యాన్స్ ఆశిస్తున్నారు. మరి ఎలాంటి ఎలాంటి సర్ప్రైజ్ ఉంటుందో తెలియదు కానీ పక్కా సుక్కు టీమ్ ఏదో ప్లాన్ చేసిందని మాత్రం టాక్. చూడాలి మరి పుష్ప టీమ్ ఎలాంటి ట్రీట్ ఇవ్వనున్నారో. ఆగష్టు 13న పుష్ప సినిమా ప్రేక్షకుల ముందుకు రాబోతుంది.