వాసూ అంటే బ‌న్నీకి అంతిష్టం

బ‌న్ని వాసు .. విడ‌దీయ‌లేని పేర్లు ఇవి. ఆ ఇద్ద‌రి మ‌ధ్యా స్నేహానుబంధం అలాంటిది. బ‌న్ని అంటే వాసూకి - వాసు అంటే బ‌న్నీకి అంతటి అభిమానం. త‌ప్పు చేస్తే అర‌వింద్ నాపై కోప్ప‌డ‌తారు కానీ - బ‌న్నీకి అస్స‌లు కోప‌మే రాద‌ని తెలిపారు. బ‌న్నికి తానంటే అంత ఇష్ట‌మ‌ని అన్నాడు. ఇక‌పోతే వాసు త‌న స్నేహితుడు బ‌న్ని క‌మిట్‌ మెంట్ గురించి ఇటీవ‌లే ఓ ఇంట‌ర్వ్యూలో ప‌లు ఆస‌క్తిక‌ర సంగ‌తుల్ని తెలిపాడు.

క‌మిట్‌ మెంట్ అంటే బ‌న్ని. బ‌న్ని అంటే క‌మిట్‌ మెంట్. ఆర్య టైమ్‌ లో ఉద‌యం ఆప‌రేష‌న్ చేయించుకున్న బ‌న్ని సాయంత్రానికి షూటింగ్ ప‌నుల్లో దిగిపోయాడు.  ఆరోజు ట్రాన్సిల్స్ స‌ర్జ‌రీ చేయించుకుని, సాయంత్రానికే బెంగ‌ళూరుకు కాస్ట్యూమ్స్ కొనేందుకు వెళ్లాల‌ని అన్నాడు. త‌క్కువ టైమ్ ఉంది. ప‌ని పూర్తి చేద్దామ‌ని నాకు షాక్ ఇచ్చాడు. సినిమా అంటే అంత కుతూహాలం - త‌ప‌న ఉన్న హీరో అత‌డు. పెద్ద‌ స్టార్ అయినా కమిట్‌ మెంట్ ప‌రంగా ఏ మార్పు లేని హీరో. ప్ర‌తి సినిమా తొలి సినిమాలానే భావించి ప‌ని చేస్తాడ‌ని బ‌న్ని స‌క్సెస్ సీక్రెట్‌ ని చెప్పేశాడు వాసు.

త‌మ మ‌ధ్య స్నేహం గురించి మాట్లాడుతూ .. మా ఇద్ద‌రి ఆలోచ‌న‌లు చాలా విభిన్నంగా ఉంటాయి. ఏదైనా దూకేయాలి అనుకుంటే ఇక బ‌న్ని ఆగ‌డు. కానీ నేను మాత్రం ఆచితూచి ఆలోచిస్తాను.. అని వాసు అన్నారు. ఇద్ద‌రి అభిప్రాయాలు వేర్వేరు అయినా ఒక‌రినొక‌రం గౌర‌వించుకుంటామ‌ని తెలిపాడు. ఈ స్నేహంతోనే గీతా ఆర్ట్స్ 2 సంస్థ‌ను అంచెలంచెలుగా విస్త‌రించ‌డంలో బ‌న్ని వాస్ దూసుకుపోతున్నాడు. ఈ బ్యాన‌ర్‌ లోనే వాసూ `గీత గోవిందం` రూపంలో 100 కోట్ల క్ల‌బ్ సినిమాని తీసిన సంగ‌తి తెలిసిందే.