నితిన్ , మేఘా ఆకాశ్ ల కాంబోలో కృష్ణ చైత‌న్య తెర‌కెక్కించిన `చ‌ల్ మోహ‌న్ రంగ` చిత్రం రేపు విడుద‌ల కాబోతోన్న సంగ‌తి తెలిసిందే. ఇప్పటికే ఈ చిత్ర ప్ర‌మోష‌న్ ను చిత్ర యూనిట్ కంప్లీట్ చేసింది. అయితే, తాజాగా ఆ మూవీలో న‌టించిన కొంత‌మంది ఆర్టిస్ట్ ల‌తో ఓ ఫ‌న్నీ `ప్ర‌మోష‌న్` వీడియోను చిత్ర‌యూనిట్ రిలీజ్ చేసింది. మోహ‌న్ రంగ గురించి ఎవ‌రెవ‌రు ఏమ‌నుకుంటున్నారో తెలుసుకునేందుకు అడిగిన ప్ర‌శ్న‌ల‌కు వారు వెరైటీగా జ‌వాబిచ్చారు. ఆ వీడియో చివ‌ర్లో నితిన్ వ‌చ్చి....తాను జెన్యుయ‌న్ అని....ఎవ‌రి మాట‌లు ప‌ట్టించుకోకుండా రేపు వ‌చ్చి సినిమా చూసి త‌న‌ను జ‌డ్జ్ చేయాల‌ని అంటాడు. ప్ర‌స్తుతం ఆ వీడియో యూట్యూబ్ లో ట్రెండింగ్ లో ఉంది.
మోహ‌న్ రంగ మీద ఒపీనియ‌న్ ఏంటి....అన్న ప్ర‌శ్న‌కు ....ఏం చెప్ప‌మంటారండి....అంటూ క‌మెడియ‌న్ మ‌ధు ఇరిటేటింగ్ రిప్లై ఇచ్చాడు. ``మోహ‌న్ రంగ గురించి నేనేమీ చెప్ప‌ను....న‌న్ను చెప్ప‌లేనంత ఇరిటేట్ చేశాడు``అని మ‌ధు అన్నాడు. త‌ను నాకు తెలుసు...మా అక్క‌కు బాగా తెలుసంటూ...మంచోడే అంటూ.....మేఘా ఆకాశ్ చెల్లెలుగా న‌టించిన అమ్మాయి స‌మాధాన‌మిచ్చింది. పేరుకే బెస్ట్ ఫ్రెండ్ అని క‌నీసం ఫోన్ కూడాఎత్త‌డం లేద‌ని మ‌రో క‌మెడియ‌న్ అన్నాడు. చెప్పొద్ద‌నుకున్నాను స‌ర్...ఏక్ష‌ణాన్న‌యినా లైట్ లు ఆగిపోవ‌చ్చు...మీ సినిమా స్టార్ట్ అవ్వచ్చు....అంటూ ఫ‌న్నీ రిప్లై ఇచ్చాడు క‌మెడియ‌న్ స‌త్య. సాయం చేయ‌డం కూడా త‌ప్పేన‌ని ఈ మ‌ధ్య తెలిసింద‌ని రావు ర‌మేష్ త‌న‌దైన శైలిలో అన్నారు. మోహ‌న్ రంగ గురించి త‌న ఒపీనియ‌న్ అడ‌గొద్ద‌ని మిసెస్ సుబ్ర‌హ్మ‌ణ్యంగా న‌టించిన లిజి రిప్లై ఇచ్చారు. మా ఆవిడ‌కు న‌చ్చ‌క‌పోతే....మా అమ్మాయికి న‌చ్చుతుంద‌ని మిస్ట‌ర్ సుబ్ర‌మ‌ణ్యం చెప్పారు. అటువంట‌పుడు త‌న ఒపీనియ‌న్ తో ప‌నిలేద‌ని పంచ్ వేశాడు. ఐ హేట్ హిమ్...అని మేఘా అంది. ఎవ‌రు ఏం చెబుతున్నారు....లోకులు కాకుల‌ని....ఏమైనా అనుకుంటార‌ని....చ‌ల్ మోహ‌న్ రంగ సినిమా వ‌స్తోంది....ఏప్రిల్ 5న...తాను జెన్యుయ‌న్ అని సినిమా చూసేవ‌ర‌కు ఏం మాట్లాడొద్దని...నితిన్ అన్నాడు. మొత్తానికి చిత్ర యూనిట్ చేసిన ఈ ఫ‌న్నీ వీడియో సోష‌ల్ మీడియాలో వైర‌ల్ అయింది.
వీడియో చూడటానికి క్లిక్ చేయండి