ఛార్మి మళ్లీ హీరోయిన్ అవుతోందా?

నందమూరి బాలకృష్ణ 101వ చిత్రం పూరీ జగన్నాధ్ దర్శకత్వంలో ప్రారంభమైన సంగతి తెలిసిందే. బాలయ్యను డాన్ గా చూపించబోతున్నాడు పూరీ. ఇప్పటివరకూ టాలీవుడ్ లో ఇలాంటి డాన్ ను చూడలేదనే రేంజ్ లో చూపబోతున్నట్లు ఇప్పటికే చెప్పాడు కూడా.

ఈ మూవీలో ముగ్గురు హీరోయిన్స్ కు స్కోప్ ఉండగా.. ఇప్పటికే ముస్కాన్ ను ఓ హీరోయిన్ గా ఫైనల్ చేయడమే కాదు.. అగ్రిమెంట్స్ కూడా పూర్తి చేశారు. మరో ఇద్దరు హీరోయిన్స్ విషయంలో కూడా తుది నిర్ణయానికి వచ్చేశారట. బాలయ్య సరసన అమలాపాల్.. ఛార్మి కౌర్ లు నటించబోతున్నట్లు తెలుస్తోంది. అమలాపాల్ ఇప్పుడు ఫుల్ స్పీడ్ చూపిస్తున్న సంగతి తెలిసిందే కానీ.. సీనియర్ భామ ఛార్మీకి మళ్లీ హీరోయిన్ ఛాన్స్ ఇవ్వడమే ఆశ్చర్యకరం. ఇప్పటికే సినిమాలకు దూరంగా ఉంటున్న ఈ బ్యూటీ.. సినిమా ఫీల్డ్ కు మాత్రం సన్నిహితంగానే ఉంటోంది. పూరీ కనెక్ట్స్ ను నడిపించేస్తూ.. కొత్త అమ్మాయిలకు హీరోయిన్ ఛాన్సులు ఇప్పించడంలో బిజీగా ఉంది.

ఇలాంటి టైమ్ లో.. బాలయ్య మూవీలో ఛాన్స్ రావడం అంటే.. అంతా పూరీ చలవ అని చెప్పాల్సిందే. రెండేళ్ల క్రితం వచ్చిన జ్యోతి లక్ష్మి తర్వాత.. ఛార్మి ఇప్పటివరకూ మరో సినిమా చేయలేదు. కానీ ఏకంగా నందమూరి బాలకృష్ణ క్రేజీ ప్రాజెక్టులో ఛాన్స్ అందుకోవడం అంటే.. ఇది ఛార్మీకి రీ ఎంట్రీ అనాల్సిందే.

Like Us on Facebook : https://www.facebook.com/Tupakidotcom/