గురువు గారూ.. 150 అనుకోమంటారా?

ఈ మధ్యనే చిరంజీవి 150వ సినిమా అంటే దాని రచ్చ ఒకలా ఉంది. అసలు బ్రూస్‌ లీ సినిమాలో క్యామియో చేసేస్తూ ఇంకా 150వ సినిమా అనడం ఏంటి కామెడీ కాకపోతే అంటూ సినిమా విమర్శకులు ఎప్పటినుండో వేస్తున్నపంచ్‌ అనే చెప్పాలి. అయితే అందుకేనేమో.. ఇప్పుడు చిరంజీవి ఈ ఆన్సర్‌ రెడీ చేసింది.

తమిళ సినిమా ''కత్తి'' ని మెగాస్టార్‌ రీమేక్‌ చేస్తున్నారనే విషయం ఆల్రెడీ మనం చెప్పుకున్నాం. అయితే ఈ సినిమాను 150 అనుకోమంటున్నారా? అందుకోసం ఓ బీభత్సమైన పథకం కూడా వేశారా? అవుననే అంటున్నారు సన్నిహితులు. ఒకవేళ రామ్‌ చరణ్‌ బ్రూస్‌ లీ సినిమా రిలీజ్‌ అవ్వకముందే ఈ రీమేక్‌ సినిమాకు ముహూర్తం పెట్టేసి.. దానిని అఫీషియల్‌ గా 150వ సినిమా అని పేపర్‌ మీద డిక్లేర్‌ చేసేసి.. ఇక చరణ్‌ సినిమాను 151 అనుకోమంటారేమో. బాగానే ఉంది సారూ.. కాకపోతే టెక్నికల్‌ గా అలా ఎలా అనుకుంటాంలేండి.

ఇకపోతే అసలు 150 అయితే 151 అయితే ఏంటి.. చిరంజీవి రీ-ఎంట్రీ ఇస్తున్నారు అదే సంతోషం అంటున్నారు ఆయన వీరాభిమానులు. చరణ్‌ సినిమాలో నటిస్తున్నప్పుడు తీసిన వర్కింగ్‌ స్టిల్‌ కే ఇక్కడ బాక్సులు బద్దలైపోతుంటే.. ఇక అసలు ఫుల్‌ లెంగ్త్‌ సినిమా వస్తే ఎలా ఉంటుంది? ఆ కిక్కే వేరబ్బా!!