బిగ్ బ్రేకింగ్ : ప్రభాస్ కి జోడీగా బాలీవుడ్ బ్యూటీ దీపికా పదుకొనే...!

యంగ్ రెబల్ స్టార్ ప్రభాస్ 'రాధే శ్యామ్' సినిమా సెట్స్ మీద ఉండగానే తన కెరీర్లో 21వ చిత్రాన్ని అధికారికంగా ప్రకటించిన విషయం తెలిసిందే. వైజయంతీ మూవీస్ బ్యానర్ పై అశ్వినీ దత్ ఈ చిత్రాన్ని నిర్మిస్తుండగా నాగ్ అశ్విన్ దర్శకత్వం వహించనున్నారు. సైన్స్ ఫిక్షన్ జోనర్ లో తెరకెక్కబోతున్న ఈ సినిమాని భారీ బడ్జెట్ తో నిర్మించనున్నారు. పాన్ ఇండియా స్టార్ అనిపించుకున్న ప్రభాస్ ఈ సినిమాతో గ్లోబల్ స్టార్ గా మారబోతున్నాడు. దేశ విదేశాల్లో ప్రభాస్ కి ఉన్న క్రేజ్ ని దృష్టిలో పెట్టుకొని ఈ చిత్రాన్ని అంతర్జాతీయ స్థాయిలో విదేశీ భాషల్లో కూడా విడుదల చేయాలని చిత్ర యూనిట్ ప్లాన్ చేస్తున్నారు. కాగా ఈ సినిమాకు సంబంధించి ఓ సర్ ప్రైజ్ ఇస్తామని శనివారం చిత్రబృందం ప్రకటించిన సంగతి తెలిసిందే. ఇందులో భాగంగా ఈ సినిమాలో నటిస్తున్న హీరోయిన్ వివరాలను వెల్లడించింది.

ప్రభాస్ - నాగ్ అశ్విన్ కాంబోలో సినిమా అనౌన్స్ చేసినప్పటి నుంచి హీరోయిన్ విషయంలో రోజుకొక న్యూస్ వస్తూనే ఉంది. ఈ క్రమంలో ఇప్పటి వరకు వస్తున్న వార్తలను నిజం చేస్తూ బాలీవుడ్ బ్యూటీ దీపికా పడుకునే డార్లింగ్ ప్రభాస్ కి జోడీగా నటించబోతున్నట్లు చిత్ర యూనిట్ అధికారికంగా ప్రకటించింది. 'వైజయంతీ మూవీస్ ఇన్నేళ్ళలో ఎంతోమంది ఎక్స్ట్రార్డినరీ ఉమెన్ తో వర్క్ చేసాం.. ఇప్పుడు ప్రభాస్ 21 కోసం ఇండియాస్ బిగ్గెస్ట్ సూపర్ స్టార్ దీపికా పదుకొనేని తీసుకొస్తున్నాం' అని ప్రకరించారు. కాగా ఇప్పటికే ఈ సినిమాకు సంబంధించిన ప్రీ ప్రొడక్షన్ పనులు పూర్తయినట్లు సమాచారం. 'రాధే శ్యామ్‌' సినిమా పూర్తయిన వెంటనే నాగ్ అశ్విన్ దర్శకత్వంలో ఈ సినిమా సెట్స్ పైకి వెళ్లనుంది.

Full View