యంగ్ రెబల్ స్టార్ ప్రభాస్ 'మహానటి' ఫేమ్ నాగ్ అశ్విన్ దర్శకత్వంలో ఓ సినిమా చేయనున్న విషయం తెలిసిందే. ప్రభాస్ కెరీర్లో 21వ చిత్రంగా తెరకెక్కనున్న ఈ చిత్రాన్ని వైజయంతీ మూవీస్ బ్యానర్ పై అశ్వినీ దత్ నిర్మించనున్నారు. ఈ సినిమాకు సంబంధించి ఓ సర్ ప్రైజ్ ఇస్తామని నిన్న చిత్రబృందం ప్రకటించింది. ఇందులో భాగంగా ఈ సినిమాలో నటిస్తున్న హీరోయిన్ వివరాలను ఈ రోజు వెల్లడించింది. ఎంతోమంది స్టార్ హీరోయిన్స్ తో వర్క్ చేసిన వైజయంతీ మూవీస్ ప్రభాస్ సినిమా కోసం బాలీవుడ్ బ్యూటీ దీపికా పదుకొనేని తీసుకొస్తున్నట్లు అధికారికంగా ప్రకటించింది. ఇక స్టార్ హీరోలకు ధీటుగా రెమ్యూనరేషన్ తీసుకునే దీపికా పదుకొనేని ప్రభాస్ సినిమాలో న‌టింపజేసేందుకు భారీగానే ముట్టజెప్తున్నట్లు సమాచారం. 'సాహో' సినిమా కోసం బాలీవుడ్ ముద్దుగుమ్మ శ్రద్ధాకపూర్ తో వర్క్ చేసిన ప్రభాస్ ఇప్పుడు మరో బ్యూటీ దీపికా పదుకొనేతో జోడీ కట్టబోతున్నాడన్నమాట. ఏదేమైనా అభిమానులు ఎప్పటినుంచో ఎదురుచూస్తోన్న క్రేజీ కాంబో ఈ మూవీలో జోడీ కట్టబోతుండంతో ఈ సినిమాపై అంచనాలు మరింత పెరిగాయని చెప్పవచ్చు.
కాగా దీపికాని డార్లింగ్ ప్రభాస్ కి జోడీగా ఎంపిక చేయడం గురించి నాగ్ అశ్విన్ వెల్లడిస్తూ.. ''కింగ్ కి సరిపడేంత క్వీన్ కావాలి కదా మరి.. చాలా అలోచించి తీసుకున్న డెసిషన్ ఇది.. పిచ్చెక్కిద్దాం..!'' అని ట్వీట్ చేసారు. అంతేకాకుండా ''యాక్టర్స్ అండ్ ప్రాజెక్ట్స్ ఒకరినొకరు కనుగొంటారని నేను నమ్ముతున్నాను దీపికా. ఈ స్టోరీ మిమ్మల్ని ఎన్నుకున్నందుకు ఆనందంగా ఉంది. ఈ ప్రపంచాన్ని మనం కలిసి ఎప్పుడెప్పుడు నిర్మిస్తామా అని వెయిట్ చేయలేకపోతున్నా. మీ క్యారెక్టర్ సర్ప్రైజ్ గా ఉండబోతోంది'' అని చెప్పుకొచ్చారు. ఇక హీరోయిన్ దీపికా పదుకొనే కూడా దీనిపై సోషల్ మీడియా వేదికగా స్పందించింది. ''బియాండ్ థ్రిల్డ్ ! ఇది ఇంక్రెడిబుల్ జర్నీ అవుతుందని మేము నమ్ముతున్నాం'' అని ట్వీట్ చేసింది. ఇదిలా ఉండగా ఈ సినిమాని భారీ బడ్జెట్ తో ఇంటర్నేషనల్ లెవల్ లో తెరకెక్కిస్తున్నారని సమాచారం. ఇదే కనుక నిజమైతే ఇప్పటి వరకు పాన్ ఇండియా స్టార్ అనిపించుకున్న ప్రభాస్ ఈ సినిమాతో గ్లోబల్ స్టార్ గా మారతాడని చెప్పవచ్చు. ఈ సినిమాకి సంభందించిన పూర్తి వివరాలు త్వరలోనే వెల్లడికానున్నాయి.
కాగా దీపికాని డార్లింగ్ ప్రభాస్ కి జోడీగా ఎంపిక చేయడం గురించి నాగ్ అశ్విన్ వెల్లడిస్తూ.. ''కింగ్ కి సరిపడేంత క్వీన్ కావాలి కదా మరి.. చాలా అలోచించి తీసుకున్న డెసిషన్ ఇది.. పిచ్చెక్కిద్దాం..!'' అని ట్వీట్ చేసారు. అంతేకాకుండా ''యాక్టర్స్ అండ్ ప్రాజెక్ట్స్ ఒకరినొకరు కనుగొంటారని నేను నమ్ముతున్నాను దీపికా. ఈ స్టోరీ మిమ్మల్ని ఎన్నుకున్నందుకు ఆనందంగా ఉంది. ఈ ప్రపంచాన్ని మనం కలిసి ఎప్పుడెప్పుడు నిర్మిస్తామా అని వెయిట్ చేయలేకపోతున్నా. మీ క్యారెక్టర్ సర్ప్రైజ్ గా ఉండబోతోంది'' అని చెప్పుకొచ్చారు. ఇక హీరోయిన్ దీపికా పదుకొనే కూడా దీనిపై సోషల్ మీడియా వేదికగా స్పందించింది. ''బియాండ్ థ్రిల్డ్ ! ఇది ఇంక్రెడిబుల్ జర్నీ అవుతుందని మేము నమ్ముతున్నాం'' అని ట్వీట్ చేసింది. ఇదిలా ఉండగా ఈ సినిమాని భారీ బడ్జెట్ తో ఇంటర్నేషనల్ లెవల్ లో తెరకెక్కిస్తున్నారని సమాచారం. ఇదే కనుక నిజమైతే ఇప్పటి వరకు పాన్ ఇండియా స్టార్ అనిపించుకున్న ప్రభాస్ ఈ సినిమాతో గ్లోబల్ స్టార్ గా మారతాడని చెప్పవచ్చు. ఈ సినిమాకి సంభందించిన పూర్తి వివరాలు త్వరలోనే వెల్లడికానున్నాయి.