వైరల్ అవుతున్న రాక్ స్టార్ 'రియల్ మెన్' వీడియో..

టాలీవుడ్ ఇండస్ట్రీలో సెలబ్రిటీల 'బి ది రియల్ మెన్' ఛాలెంజ్ ట్రెండ్ అవుతోంది. తాజాగా కరోనా వైరస్ లాక్ డౌన్ వేళ సినితారలంతా ఇంట్లోనే కాలక్షేపం చేస్తున్నారు. అయితే ఇటీవలే అర్జున్ రెడ్డి ఫేమ్ సందీప్‌ రెడ్డి వంగ ‘‘బీ ది రియల్‌ మేన్‌’’ అనే ఛాలెంజ్‌ను స్టార్ట్‌ చేశారు. ఈ ఛాలెంజ్ కి సోషల్ మీడియాలో అనూహ్య స్పందన లభిస్తోంది. అటు స్టార్ల అభిమానులకు, సినీతారలకు మంచి టైంపాస్ అవుతోంది. ఈ ఛాలెంజ్ ముఖ్య ఉద్దేశం.. ఇంటి పనుల్లో మగవారు కూడా పాలు పంచుకొని అన్నీట్లో ఆడవాళ్లకు తోడుగా నిలవాలి. అలా ఇంటి పనులు కూడా మొహమాటం లేకుండా చేసి స్టార్స్ అంతా 'బి ది రియల్ మ్యాన్' అనిపించుకుంటున్నారు. ఇక ఇంటి పనుల్లో సహాయం చేస్తున్న వీడియోను ట్విట్టర్ లో షేర్‌ చేసి ఆ ఛాలెంజ్‌ను వేరే వాళ్లకు నామినేట్ చేస్తారు.

దర్శకుడు సుకుమార్ విసిరిన ‘బి ద రియల్ మాన్ ఛాలెంజ్’ ను స్వీకరించిన రాక్ స్టార్ దేవి శ్రీ ప్రసాద్ తన వీడియో పోస్ట్ చేశాడు. ఇంటిని శుభ్రపరిచి, తన తల్లికి ఆమ్లెట్ వేసి - తండ్రి సత్యమూర్తి ఫొటోలను తుడిచి ఈ ఛాలెంజ్ ను పూర్తి చేశాడు. చివరిగా ‘రియల్ మాన్’ లను తయారు చేస్తున్న ప్రతి తల్లికీ ఈ వీడియో అంకితం అంటూ ముగించాడు. దేవి శ్రీ ప్రసాద్ పాపులర్ ట్యూన్లు అయిన పౌర్ణమి, నాన్నకు ప్రేమతో లోని మ్యూజిక్ తో ఉన్న ఈ వీడియో అందరినీ ఆకట్టుకుంటోంది. ఇక 'బిది రియల్ మెన్' ఛాలెంజ్ కు తన తరఫున అల్లు అర్జున్ - కార్తీ - యష్ - హరీష్ శంకర్ మరియు మోహన్ లాల్ లను నామినేట్ చేశాడు దేవి శ్రీ ప్రసాద్. ప్రస్తుతం దేవి వీడియో సోషల్ మీడియాలో వైరల్ అవుతోంది.

వీడియో కోసం క్లిక్ చేయండి