తెలుగులో హీరో నాని నిర్మించిన 'హిట్' చిత్రాన్ని స్టార్ ప్రొడ్యూసర్ దిల్ రాజు హిందీలో రీమేక్ చేస్తున్న సంగతి తెలిసిందే. శైలేష్ కొలను దర్శకత్వంలో విశ్వక్ సేన్ హీరోగా రూపొందిన 'హిట్' సినిమా బాక్సాఫీస్ వద్ద హిట్ గా నిలిచింది. ఈ చిత్రాన్ని బాలీవుడ్ స్టార్ రాజ్ కుమార్ రావ్ హీరోగా హిందీలో రీమేక్ చేస్తున్నారు. మాతృకకు దర్శకత్వం వహించిన శైలేష్ కొలను 'హిట్' హిందీ రీమేక్ తో బాలీవుడ్ లో అడుగుపెడుతున్నాడు. శ్రీ వెంకటేశ్వర క్రియేషన్స్ - టీ సిరీస్ బ్యానర్స్ పై దిల్ రాజు - భూషణ్ కుమార్ - కిషన్ కుమార్ - కుల్దీప్ రాథోడ్‌ లు కలిసి ఈ చిత్రాన్ని నిర్మిస్తున్నారు. మనన్ భరద్వాజ్ ఈ చిత్రానికి సంగీతం సమకూరుస్తున్నారు.
'హిట్' హిందీ రీమేక్ లో 'దంగల్' బ్యూటీ సన్యా మల్హోత్రా హీరోయిన్ గా నటిస్తున్నారు. తెలుగులో రుహాని శర్మ పోషించిన పాత్రలో సన్యా కనిపించనుంది. దిల్ రాజు ప్రొడక్షన్స్ ఈ విషయాన్ని అధికారికంగా వెల్లడిస్తూ.. ''#HIT టీమ్ లోకి సన్యా కు స్వాగతం'' అని ట్వీట్ చేశారు. ఈ సందర్భంగా సన్యా ఓ బాలీవుడ్ మీడియాతో మాట్లాడుతూ..''నేను 'హిట్' సినిమా చూశాను. ఈ మూవీ కాన్సెప్ట్ నాకు బాగా నచ్చింది. ఈ సినిమా ఆఫర్ నా వద్దకు వచ్చినప్పుడు వెంటనే ఓకే చెప్పాను. ఇది చాలా ఆసక్తికరమైన చమత్కారమైన స్టోరీ. రాజ్ కుమార్ రావ్ తో కలిసి పని చేస్తున్నందుకు హ్యాపీగా ఉంది. ఈ సినిమా కోసం ఆసక్తిగా ఎదురు చూస్తున్నాను'' అని అన్నారు.
అమీర్ ఖాన్ 'దంగల్' సినిమాతో ఎంట్రీ ఇచ్చిన సన్యా మల్హోత్రా.. ఆ తరువాత 'పటాఖా' 'బధాయ్ హో' 'శకుంతలా దేవి' 'లూడో' వంటి చిత్రాలతో గుర్తింపు తెచ్చుకుంది. ఈ క్రమంలో ఇప్పుడు తొలిసారిగా హీరో రాజ్ కుమార్ రావ్ తో కలిసి ''హిట్'' సినిమా చేయనుంది. ప్రస్తుతం ప్రీ ప్రొడక్షన్ వర్క్స్ శరవేగంగా జరుపుకుంటున్న ఈ చిత్రాన్ని వీలైనంత త్వరగా సెట్స్ పైకి తీసుకెళ్లాలని మేకర్స్ చూస్తున్నారు. ఇప్పటికే 'జెర్సీ' హిందీ రీమేక్ కు సహ నిర్మాతగా వ్యవహరిస్తున్న దిల్ రాజు.. 'హిట్' సినిమాతో బాలీవుడ్ లో పాగా వేయాలని చూస్తున్నారు.
'హిట్' హిందీ రీమేక్ లో 'దంగల్' బ్యూటీ సన్యా మల్హోత్రా హీరోయిన్ గా నటిస్తున్నారు. తెలుగులో రుహాని శర్మ పోషించిన పాత్రలో సన్యా కనిపించనుంది. దిల్ రాజు ప్రొడక్షన్స్ ఈ విషయాన్ని అధికారికంగా వెల్లడిస్తూ.. ''#HIT టీమ్ లోకి సన్యా కు స్వాగతం'' అని ట్వీట్ చేశారు. ఈ సందర్భంగా సన్యా ఓ బాలీవుడ్ మీడియాతో మాట్లాడుతూ..''నేను 'హిట్' సినిమా చూశాను. ఈ మూవీ కాన్సెప్ట్ నాకు బాగా నచ్చింది. ఈ సినిమా ఆఫర్ నా వద్దకు వచ్చినప్పుడు వెంటనే ఓకే చెప్పాను. ఇది చాలా ఆసక్తికరమైన చమత్కారమైన స్టోరీ. రాజ్ కుమార్ రావ్ తో కలిసి పని చేస్తున్నందుకు హ్యాపీగా ఉంది. ఈ సినిమా కోసం ఆసక్తిగా ఎదురు చూస్తున్నాను'' అని అన్నారు.
అమీర్ ఖాన్ 'దంగల్' సినిమాతో ఎంట్రీ ఇచ్చిన సన్యా మల్హోత్రా.. ఆ తరువాత 'పటాఖా' 'బధాయ్ హో' 'శకుంతలా దేవి' 'లూడో' వంటి చిత్రాలతో గుర్తింపు తెచ్చుకుంది. ఈ క్రమంలో ఇప్పుడు తొలిసారిగా హీరో రాజ్ కుమార్ రావ్ తో కలిసి ''హిట్'' సినిమా చేయనుంది. ప్రస్తుతం ప్రీ ప్రొడక్షన్ వర్క్స్ శరవేగంగా జరుపుకుంటున్న ఈ చిత్రాన్ని వీలైనంత త్వరగా సెట్స్ పైకి తీసుకెళ్లాలని మేకర్స్ చూస్తున్నారు. ఇప్పటికే 'జెర్సీ' హిందీ రీమేక్ కు సహ నిర్మాతగా వ్యవహరిస్తున్న దిల్ రాజు.. 'హిట్' సినిమాతో బాలీవుడ్ లో పాగా వేయాలని చూస్తున్నారు.