విభిన్న చిత్రాలకు కేరాఫ్ అడ్రెస్ దర్శకుడు రవిబాబు. అదే ట్రెండ్ ను కొనసాగిస్తూ ఆయన డైరెక్షన్లో తెరకెక్కిన సినిమా 'అదుగో'. బంటీ అనే పేరుగల పందిపిల్ల ప్రధాన పాత్రలో ఈ సినిమా తెరకెక్కింది. ఈ సినిమాను నవంబర్ 7 న దీపావళి పండగ సందర్భంగా రిలీజ్ చేస్తున్నారు. దీంతో విభిన్న పంథాలో ప్రమోషన్ కార్యక్రమాలు చేపడుతున్నాడు.
ఇప్పటికే 'బంటీ' పందిపిల్లను వెంటబెట్టుకుని సిటీలో పలు ప్రదేశాల్లో కనిపించి అందరి దృష్టినీ ఆకర్షించిన రవిబాబు తాజాగా బంటీతో కలిసి పాదయాత్ర చేశాడు. ఈ పాద యాత్రలో 'అదుగో' ఫిలిం యూనిట్ సభ్యులతో పాటుగా సాధారణ ప్రజలు కొంతమంది పాల్గొనడం విశేషం. శుక్రవారం సాయంత్రం హైదరాబాద్ లో కేబీఆర్ పార్కు నుంచి ఫిలిం ఛాంబర్ వరకు తన హీరో పంది పిల్లతో కలిసి రవిబాబు పాదయాత్ర సాగింది. మన తెలుగు ప్రజలకు రాజకీయనాయకుల పాదయాత్రలు తెలుసుగానీ ఈ పంది పిల్లతో కలిసి చేసే పాద యాత్ర ఖచ్చితంగా వినూత్నమైనదే.
ఈ సందర్భంగా ఈ పాదయాత్ర వెనకున్న ఉద్దేశాన్ని రవిబాబు వివరించాడు. "ఏ సినిమాకైనా విడుదలకు ముందుగా ఆడియో ఫంక్షన్.. ప్రి రిలీజ్ ఈవెంట్ లాంటివి చేస్తారు. కానీ మా సినిమాకి అవన్నీ చేసేందుకు పెద్ద స్టార్లు ఎవరూ లేరు. అంత ప్రమోషనల్ బడ్జెట్ కూడా లేదు. అందుకే ఈ పాదయాత్ర ద్వారా మా సినిమా గురించి అందరికీ తెలియజేయాలనుకున్నాం" అన్నాడు. అంతే కాదని దీపావళి కి టపాకాయలు ఎక్కువగా పేల్చవద్దని దాని వల్ల ఎయిర్ క్వాలిటీ దెబ్బతింటుందని చెప్పదలుచుకోవడం కూడా మరో కారణమట. ఇక దీపావళి సందర్భంగా విడుదల కానున్న తమ 'అదుగో' ప్రేక్షకులకు తప్పనిసరిగా నచ్చుతుందని తెలిపాడు.
ఇప్పటికే 'బంటీ' పందిపిల్లను వెంటబెట్టుకుని సిటీలో పలు ప్రదేశాల్లో కనిపించి అందరి దృష్టినీ ఆకర్షించిన రవిబాబు తాజాగా బంటీతో కలిసి పాదయాత్ర చేశాడు. ఈ పాద యాత్రలో 'అదుగో' ఫిలిం యూనిట్ సభ్యులతో పాటుగా సాధారణ ప్రజలు కొంతమంది పాల్గొనడం విశేషం. శుక్రవారం సాయంత్రం హైదరాబాద్ లో కేబీఆర్ పార్కు నుంచి ఫిలిం ఛాంబర్ వరకు తన హీరో పంది పిల్లతో కలిసి రవిబాబు పాదయాత్ర సాగింది. మన తెలుగు ప్రజలకు రాజకీయనాయకుల పాదయాత్రలు తెలుసుగానీ ఈ పంది పిల్లతో కలిసి చేసే పాద యాత్ర ఖచ్చితంగా వినూత్నమైనదే.
ఈ సందర్భంగా ఈ పాదయాత్ర వెనకున్న ఉద్దేశాన్ని రవిబాబు వివరించాడు. "ఏ సినిమాకైనా విడుదలకు ముందుగా ఆడియో ఫంక్షన్.. ప్రి రిలీజ్ ఈవెంట్ లాంటివి చేస్తారు. కానీ మా సినిమాకి అవన్నీ చేసేందుకు పెద్ద స్టార్లు ఎవరూ లేరు. అంత ప్రమోషనల్ బడ్జెట్ కూడా లేదు. అందుకే ఈ పాదయాత్ర ద్వారా మా సినిమా గురించి అందరికీ తెలియజేయాలనుకున్నాం" అన్నాడు. అంతే కాదని దీపావళి కి టపాకాయలు ఎక్కువగా పేల్చవద్దని దాని వల్ల ఎయిర్ క్వాలిటీ దెబ్బతింటుందని చెప్పదలుచుకోవడం కూడా మరో కారణమట. ఇక దీపావళి సందర్భంగా విడుదల కానున్న తమ 'అదుగో' ప్రేక్షకులకు తప్పనిసరిగా నచ్చుతుందని తెలిపాడు.