ఎఫ్3 హీరోయిన్ ట్రెడిషనల్ లుక్కు వైరల్ ఫోటోస్..!

టాలీవుడ్ హీరోయిన్ మెహ్రీన్.. పేరు వినగానే మొదటగా 'కృష్ణగాడి వీరప్రేమగాథ' మూవీ గుర్తొస్తుంది. ఆ సినిమాలో మెహ్రీన్ చబ్బీ లుక్స్ తో లంగావోణీలో భలేగా ఆకట్టుకుంది. అయితే ఆ సినిమా సూపర్ హిట్ కావడంతో కుర్రకారుకు ఫేవరేట్ హీరోయిన్ అయిపోయింది. అనుకున్నట్లుగానే మెహ్రీన్ కోసం వరుసగా ఆఫర్లు క్యూ కట్టాయి అలాగే హిట్స్ కూడా అందుకుంది. కానీ కొంతకాలంగా మెహ్రీన్ ఊసే ఇండస్ట్రీలో వినిపించడం లేదు. చివరిగా కళ్యాణ్ రామ్ సరసన 'ఎంతమంచి వాడవురా' సినిమాలో మెరిసింది. ఆ తర్వాత ఇప్పటివరకు తెలుగు సినిమాల్లో కాదు కదా.. అసలు ఏ భాషలోనూ ఆమె అమ్మడు సినిమాలు చేసినట్లు లేదు.

అందం అభినయం ఉన్నప్పటికీ ఈ పంజాబీ సోయగానికి ఆదరణ లేకుండా పోయింది. రెండేళ్లుగా ఈ ముద్దుగుమ్మకు అదృష్టం కొంచం కూడా కలిసి రావడం లేదట. కెరీర్ పరంగా రాజా ది గ్రేట్, ఎఫ్2 లాంటి హిట్స్ ఉన్నా అమ్మడికి హిట్స్ వెనకే ఎక్కువగా ప్లాప్స్ పడ్డాయి. ఇదిలా ఉండగా.. ప్రస్తుతం మెహ్రీన్ తెలుగులో ఒకే ఒక సినిమా చేస్తోంది. అదే ఎఫ్3. అలాగే మరోవైపు పెళ్లికి కూడా సిద్ధం అవుతోంది. ఇటీవలే ప్రేమికుడిని అభిమానులకు పరిచయం చేసిన మెహ్రీన్.. త్వరలోనే పెళ్లి పీటలు ఎక్కనుంది. అలాగే ఇంట్లో వాళ్లను కూడా ఒప్పించి ప్రేమించిన వాడిని పెళ్లి చేసుకోబోతుంది.

అయితే పెళ్లి గురించి ప్రకటించినప్పటి నుండి మెహ్రీన్ చాలా ఆనందంగా కనిపిస్తుంది. అలాగే సోషల్ మీడియాలో కూడా కాబోయేవాడితో పోస్టులు పెడుతోంది. తాజాగా అమ్మడు తమ్ముడు గుర్ఫతే పిర్జాదాతో పిక్ పోస్ట్ చేసింది. ఆ ఫోటోలో అక్కతమ్ముడు ఇద్దరు కూడా సంప్రదాయ దుస్తులలో చాలా హ్యాపీగా కనిపిస్తున్నారు. ప్రస్తుతం మెహ్రీన్ తమ్ముడు కూడా సినీరంగంలోనే రాణిస్తున్నాడు. వీరిద్దరూ కలిసి బాలీవుడ్ గిల్టీ అనే వెబ్ సిరీస్ లో నటించారు. ఇక త్వరలోనే మెహ్రీన్ - యంగ్ పొలిటిషన్ భవ్యబిష్ణోయిని పెళ్లి చేసుకోబోతుంది. ప్రస్తుతం అక్కతమ్ముడు ఫోటోలు నెట్టింట వైరల్ అవుతున్నాయి.