ఇష్టం.. సంతోషం.. ఆనందం

ర‌చ‌యిత గోపీమోహ‌న్ ద‌ర్శ‌కుడిగా మార‌బోతున్నాడు. ఆ విష‌యాన్ని ఆయ‌న ప్ర‌క‌టించి రెండేళ్ల‌కుపైనే అయ్యింది కానీ... కొన్ని కార‌ణాల‌వ‌ల్ల ఆ సినిమా ఆల‌స్య‌మ‌వుతూ వ‌చ్చింది. కానీ ఈ యేడాది మాత్రం ఆయ‌న మెగాఫోన్ ప‌ట్ట‌డం ఖాయంగా క‌నిపిస్తోంది. అందులో క‌థానాయ‌కుడు ఎవ‌ర‌నేది తెలియ‌దు కానీ... ఆ సినిమా పేరును మాత్రం ప్ర‌క‌టించాడు. `ఇష్టంగా... సంతోషంగా.. ఆనందంగా... ` అనే పేరుతో గోపీ సినిమాని తీయ‌బోతున్నాడు. పేరును చూస్తుంటే ఇదొక ప్రేమ‌క‌థ అనిపిస్తోంది.

శ్రీనువైట్ల‌ - వినాయ‌క్ చిత్రాల‌కి ర‌చ‌యిత‌గా ప‌నిచేసి మంచి గుర్తింపును తెచ్చుకొన్నాడు గోపీమోహ‌న్‌. స్క్రీన్‌ ప్లే రాయ‌డంలో గోపీకి మంచి పేరుంది. సునీల్‌ని దృష్టిలో ఉంచుకొని మొద‌ట క‌థ‌ని సిద్ధం చేసుకొన్నాడు. అనిల్ సుంక‌ర నిర్మాణంలో తెర‌కెక్కాల్సిన ఆ సినిమా వాయిదా ప‌డుతూ వ‌చ్చింది. అయితే ఇటీవ‌ల సునీల్‌ - అనిల్ సుంక‌ర క‌ల‌యిక‌లో వీరుపోట్ల ద‌ర్శ‌క‌త్వంలో సినిమా మొద‌లైంది. దీంతో గోపీ మ‌రో కొత్త నిర్మాత‌తో క‌లిసి  సినిమా చేయ‌డానికి రంగం సిద్ధం చేసుకొన్నాడు. త్వ‌ర‌లోనే ఈ చిత్రం గురించి పూర్తి వివ‌రాలు వెల్ల‌డ‌య్యే అవ‌కాశాలున్నాయి.