గౌత‌మీపుత్ర శాత‌క‌ర్ణిలో న్యూ ట్విస్ట్‌

యువ‌ర‌త్న నంద‌మూరి బాల‌కృష్ణ కేరీర్‌ లో ప్ర‌తిష్టాత్మ‌కంగా తెర‌కెక్కుతున్న గౌత‌మీపుత్ర శాత‌క‌ర్ణి షూటింగ్ ప్ర‌స్తుతం శ‌ర‌వేగంగా జ‌రుపుకుంటోంది. ఇటీవ‌లే మొరాకో షెడ్యూల్ కంప్లీట్ చేసుకున్న ఈ మూవీ సెకండ్ షెడ్యూల్ ప్ర‌స్తుతం హైద‌రాబాద్‌ లో జ‌రుగుతోంది. కంచె లాంటి విభిన్న‌మైన సినిమాతో జాతీయ అవార్డు సొంతం చేసుకున్న క్రిష్ ద‌ర్శ‌క‌త్వంలో ఆంధ్ర‌దేశాన్ని పాలించిన శాత‌వాహ‌న యువ‌రాజు గౌతమీపుత్ర శాత‌క‌ర్ణి జీవిత చ‌రిత్ర ఆధారంగా తెర‌కెక్కుతున్న ఈ సినిమా తెర‌కెక్కుతోంది. ఈ మూవీ తాజా షెడ్యూల్ చిలుకూరి బాలాజీ ఆల‌యం వ‌ద్ద వేసిన సెట్‌ లో జ‌రుగుతుండ‌గా మూడో షెడ్యూల్ కూడా ఇదే ఆల‌యంలోనే జ‌ర‌గ‌నుంది.

 ఈ షెడ్యూల్‌ లో ఫారిన్ నుంచి వ‌చ్చిన 200 మంది ఫైట‌ర్స్‌ తో సినిమాకే హైలెట్ అయిన ఓ యాక్ష‌న్ స‌న్నివేశాన్ని ద‌ర్శ‌కుడు క్రిష్ చిత్రీక‌రించ‌నున్న‌ట్టు తెలుస్తోంది. మ్యాట‌ర్ ఏంటంటే ఈ మూవీ షూటింగ్ స్టార్ట్ అయ్యి మూడో షెడ్యూల్ షూటింగ్ జ‌రుపుకుంటున్నా అన్ని షెడ్యూల్స్‌ లోను యాక్ష‌న్ స‌న్నివేశాల‌నే చిత్రీక‌రిస్తున్నారు. సినిమాలో మెయిన్ క్యారెక్ట‌ర్ అయిన గౌత‌మీపుత్ర శాత‌క‌ర్ణి ఎక్కువ‌గా యుద్ధాల్లోనే పాల్గొంటాడ‌ట‌. దీంతో సినిమాలో ఎక్కువగా యుద్ధ‌స‌న్నివేశాలే ఉంటాయ‌ని తెలుస్తోంది.

 ఇక ఈ మూవీ రిలీజ్ డేట్‌ ను 12 జనవరి - 2017 గా ఫిక్స్ చేయ‌డంతో యుద్ధ స‌న్నివేశాల‌కు త‌గిన విధంగా గ్రాఫిక్స్ వ‌ర్క్ కోసం చాలా టైం తీసుకోనుంది. దీంతో ముందుగా ద‌ర్శ‌కుడు యుద్ధ స‌న్నివేశాల‌ను చిత్రీక‌రిస్తున్నారు. బాహుబ‌లి లాంటి బ్లాక్‌ బ‌స్ట‌ర్ మూవీకి సిజీ వ‌ర్క్ అందించిన మ‌కుట సంస్థే శాత‌క‌ర్ణి మూవీకి కూడా ప‌ని చేస్తోంది. ప్ర‌స్తుతం అమెరికా ప‌ర్య‌ట‌న‌లో ఉన్న బాల‌య్య బుధ‌వారం ఉద‌యం చేరుకుని నెక్ట్స్ షెడ్యూల్ షూటింగ్‌ లో జాయిన్ అవుతార‌ని తెలుస్తోంది. ఇక బాల‌య్య స‌ర‌స‌న శ్రేయ హీరోయిన్‌ గా ఎంపిక‌వ్వగా..దేవిశ్రీ ప్ర‌సాద్ శాత‌క‌ర్ణి మూవీకి స్వ‌రాలందిస్తున్నారు.