సింగిల్ టేక్ ఆర్టిస్ట్ అంటున్న బాలయ్య

నందమూరి బాలకృష్ణ నటించిన జై సింహా సినిమా సంక్రాంతి కానుకగా ఈ నెల 12న రిలీజ్ కాబోతోన్న సంగతి తెలిసిందే. అయితే రీసెంట్ గా సినిమా ప్రీ రిలీజ్ వేడుకను చిత్ర యూనిట్ జరిపింది. వేడుకలో బాలయ్య స్పీచ్ అందరిని ఆకట్టుకుంది. చిత్ర యూనిట్ గురించి సినిమా హీరోయిన్స్ గురించి ఆయన చెప్పిన విధానం అందరిని ఆకట్టుకుంది ముఖ్యంగా హరిప్రియ ను బాలయ్య పొగడ్తలతో ముంచెత్తారు.

సినిమాలో దర్శకుడు కెఎస్. రవికుమార్ నటీనటుల నుండి తనకు కావాల్సిన పనితనాన్ని రాబట్టుకున్నారని ముఖ్యంగా హరి ప్రియ దర్శకుడి ఆలోచనలకు తగ్గట్టుగా వర్క్ చేశారని తెలిపారు. అంతే కాకుండా ఒక పెద్ద సిన్ లో హరిప్రియతో నటించాను అని అయితే అలాంటి సిన్ చేయాలంటే సాధారణంగా ఒక రోజు పట్టవచ్చు. మేమిద్దరమే సిన్ లో ఉన్నాం. ఉదయం 7 గంటల నుంచి 10 గంటల లోపే ఆ షూటింగ్ అయిపొయింది. షూటింగ్ స్టార్ట్ కాగానే మేము ఇద్దరం పాత్రలోకి వెళ్లిపోయామని బాలయ్య తెలిపారు. ఇక హరిప్రియ సింగిల్ టెక్ ఆర్టిస్ట్ అని కూడా ఆయన పొగిడారు.

బాలకృష్ణ సాధారణంగా హీరోయిన్స్ విషయంలో ఎప్పుడు ఇలా అనలేదు. మొదటి సారి ఒక హీరోయిన్ ని సింగిల్ టెక్ ఆర్టిస్ట్ అనడంతో అందరు ఒక్కసారిగా ఆశ్చర్యపోయారు. ఇక సినిమా మరికొన్ని రోజుల్లో రిలీజ్ అవుతుండడంతో అభిమానులు చాలా ఆతృతగా ఎదురుచూస్తున్నారు. ఇప్పటికే సినిమా బుకింగ్స్ కూడా ఓపెన్ అయ్యాయి. ప్రతి ఏడాది సంక్రాంతి హిట్టు కొట్టే బాలయ్య ఇప్పుడు ఏ స్థాయిలో బాక్స్ ఆఫీస్ ని షేక్ చేస్తాడో చూడాలి.