హిందీలో మన 'హిట్‌' కు ముహూర్తం ఫిక్స్‌

విశ్వక్ సేన్ హీరోగా శైలేష్‌ కొలను దర్శకత్వంలో నాని నిర్మించిన చిత్రం 'హిట్‌'. ఒక కేసును ఎంక్వౌరీ చేస్తూ సాగే సినిమాలో విశ్వక్‌ సేన్‌ హిట్ అనే ఎంక్వౌరీ సంస్థలో ఎంక్వౌరీ ఆఫీసర్ గా కనిపించాడు. భావోద్వేగాలతో పాటు ఆకట్టుకునే యాక్షన్‌ సన్నివేశాలు ఒక మంచి నేపథ్యంతో సినిమాను దర్శకుడు తెరకెక్కించాడు. అన్ని వర్గాల వారిని ఆకట్టుకున్న హిట్‌ తో విశ్వక్ సేన్‌ మంచి సక్సెస్ ను దక్కించుకుని తెలుగు ప్రేక్షకుల్లో స్టార్ గా గుర్తింపు దక్కించుకున్నాడు. విశ్వక్ సేన్‌ ముందు ముందు మరిన్ని సినిమాలను కూడా చేసేందుకు హిట్ కారణం అయ్యింది అనడంలో సందేహం లేదు. ఇప్పుడు హిట్‌ ను హిందీలో రీమేక్ చేస్తున్నారు.

మన అర్జున్ రెడ్డిని అక్కడ రీమేక్ చేసి మంచి విజయాన్ని సొంతం చేసుకున్నారు. మన జెర్సీతో అక్కడ సక్సెస్‌ కొట్టబోతున్నారు. ఇప్పుడు హిట్‌ ను కూడా అక్కడ భారీ ఎత్తున తెరకెక్కిస్తున్నారు. ఈ రీమేక్ ను దిల్‌ రాజు నిర్మిస్తున్న విషయం తెల్సిందే. బాలీవుడ్ ప్రముఖ నిర్మాణ సంస్థతో కలిసి ఈ సినిమాను ఆయన నిర్మిస్తున్నాడు. ఈ సినిమా షూటింగ్ ఇటీవలే ప్రారంభం అయ్యింది. చాలా స్పీడ్ గా ఈ సినిమాను పూర్తి చేస్తామని మేకర్స్‌ చెబుతున్నారు. షూటింగ్‌ ను తక్కువ సమయంలోనే పూర్తి చేసేలా ప్లాన్‌ చేస్తున్నారు.

ఈ సినిమా చిత్రీకరణ ను మార్చి వరకు పూర్తి చేయబోతున్నట్లుగా చెబుతున్నారు. ఇక ఈ సినిమాను వచ్చే ఏడాది మే 20న విడుదల చేయేబోతున్నారట. సమ్మర్ స్పెషల్‌గా ఈ సినిమాను బాలీవుడ్‌ బాక్సాఫీస్ వద్దకు తీసుకు రాబోతున్నారు. రాజ్ కుమార్‌ రావు మరియు సన్య మల్హోత్రాలు ప్రథాన పాత్రల్లో నటిస్తున్న ఈ సినిమా బాలీవుడ్‌ వర్గాల్లోనూ ఆసక్తిని రేకెత్తిస్తోంది.