అభిమాన వర్షంలో తడిపేశారు

నిన్న స్టైలిష్ స్టార్ అల్లు అర్జున్ బర్త్ డే గ్రాండ్ గా సెలెబ్రేట్ చేసుకున్నారు అభిమానులు. మొన్న అర్ధరాత్రి నుంచే ట్రెండింగ్ మొదలుపెట్టి నిన్నంతా దాన్ని కొనసాగిస్తూనే ఉన్నారు. గీత ఆర్ట్స్ ఆఫీస్ లో సెలెబ్రిటీలను ఫ్యాన్స్ ను కలుసుకుంటూ క్షణం తీరిక లేకుండా గడిపిన బన్నీకి హోరున కురుస్తున్న వర్షంలో తన కోసం వచ్చిన వాళ్ళు అలాగే తడుస్తూ ఉండిపోవడం కదిలించింది. తాను కూడా చినుకులను లెక్క చేయకుండా కొడుకు అయాన్ తో పాటు ఆ మధుర క్షణాలన్నీ కూడా భద్రపర్చుకున్నాడు.

నిన్న కాస్త పొద్దు పోయాక వీటి తాలుకు ఫోటోలను సోషల్ మీడియాలో షేర్ చేసుకున్న బన్నీ ఇవన్ని ఎంత స్పెషల్ మూమెంట్సో చెప్పాడు. ఇటీవలి కాలంలో ఏదైనా వేడుకకు బోకేలకు బదులు మొక్కలు పంచుకునే ట్రెండ్ లో భాగమవుతున్న స్టైలిష్ స్టార్ అభిరుచికి తగ్గట్టే సినీ ప్రముఖులు అధిక శాతం మొక్కలు ఇచ్చే విష్ చేశారు

ఇక ఎంత వద్దన్నా ఓ రూమ్ మొత్తం నిండిపోయే బొకేలు కూడా బన్నీని ముంచెత్తాయి. మొత్తానికి అభిమాన సందోహంతో అల్లు అర్జున్ కు ఇది చాలా స్పెషల్ గా మిగిలిపోయింది. సినిమాలకు సంబంధించి కూడా మూడు కీలకమైన అప్ డేట్స్ రావడం ఫ్యాన్స్ కి కావాల్సిన జోష్ ఇచ్చింది త్రివిక్రమ్ శ్రీనివాస్ తో సినిమా 24 నుంచి రెగ్యులర్ షూటింగ్ కు వెళ్లనుండగా సుకుమార్ తో డిస్కషన్ తాలుకు ఫోటోని మైత్రి సంస్థ షేర్ చేయడం కిక్ ఇచ్చింది.

ఇక వేణు శ్రీరామ్ దర్శకత్వంలో దిల్ రాజు నిర్మించబోయే ఐకాన్ లోగోతో కూడిన పోస్టర్ అదనపు బోనస్ గా నిలిచింది. మొత్తానికి ఏడాదిగా గ్యాప్ తీసుకున్న అల్లు అర్జున్ కు ఈ పుట్టిన రోజు ఇంత ప్రత్యేకంగా నిలుస్తుందని బహుశా బన్నీ ఊహించాడో లేదో