బాబాయ్ - అబ్బాయ్ కలిసి నటించబోతున్నారా..?

తెలుగు సినీ ఇండస్ట్రీలో మల్టీస్టారర్ చిత్రాలకు ఉండే క్రేజ్ గురించి ప్రత్యేకంగా చెప్పాల్సిన అవసరం లేదు. అదే ఆ మల్టీస్టారర్ ఒకే ఫ్యామిలీకి చెందిన వ్యక్తులది అయితే.. ఇంకేముంది అభిమానులకు పండగే. 'మనం' లాంటి సినిమా ద్వారా ఇదే సాధ్యమైంది. అక్కినేని ఫ్యామిలీ నటీనటులందరూ కలిసి నటించిన ఈ చిత్రం మంచి విజయాన్ని సొంతం చేసుకుంది. ఈ మధ్య టాలీవుడ్ లో కూడా ఒక భారీ మల్టీస్టారర్ కు ప్లాన్స్ జరుగుతున్నట్లు వార్తలు వచ్చాయి. నందమూరి బాలకృష్ణ - ఎన్టీఆర్ కలిసి నటించబోతున్నారంటూ ఒక వార్త ఇండస్ట్రీలో చక్కర్లు కొడుతోంది. ఈ న్యూస్ ఉన్న అభిమానుల ఆనందానికి హద్దులు లేకుండా పోయాయి. బాబాయ్ - అబ్బాయ్ లను ఒకే స్క్రీన్ మీద చూడాలని ఎప్పటి నుండో ఉన్న కల నెరవేరబోతోందని సంబర పడ్డారు.

మలయాళంలో సూపర్ హిట్ అయిన 'అయ్యప్పనుమ్ కోసియుమ్' సినిమాను తెలుగు తమిళ భాషల్లో రీమేక్ చేయబోతున్నారట. ఈ సినిమా రీమేక్ హక్కుల్ని ప్రముఖ నిర్మాత సూర్య దేవర నాగవంశీ సొంతం చేసుకున్నారని సమాచారం. మలయాళంలో పృథ్వీరాజ్, బిజూ మీనన్ లీడ్ రోల్స్ చేసిన ఈ చిత్రం తెలుగు రీమేక్ లో బాబాయ్ అబ్బాయ్ కలిసి నటిస్తున్నారని టాలీవుడ్ మొత్తం కోడైకూసింది. ఇద్దరు బలమైన వ్యక్తుల మధ్య ఇగో ప్రాబ్లమ్స్ వస్తే పరిస్థితి ఏంటనే నేపథ్యంలో సాగే చిత్ర కథగా దీన్ని చెప్పుకుంటున్నారు. అయితే ఆ తర్వాత బాలయ్య ఎన్టీఆర్ మధ్య ఇగో ప్రాబ్లమ్స్ వల్ల సినిమా లేట్ అవుతోందని మరో న్యూస్ వచ్చింది.

ఇదిలావుండగానే ఇది రూమర్ అని, వాళ్లిద్దరు కలిసి నటించే అవకాశమే లేదని మరో వార్త బయటకి వచ్చింది. వాళ్ళిద్దరికి ఆల్రెడీ ఇగో ప్రాబ్లమ్స్ ఉన్నాయని ఇప్పుడు ఈ ఇగో ప్రాబ్లమ్స్ తో నడిచే సినిమాలో నటించే ఛాన్స్ లేదని ఇండస్ట్రీలో చెప్పుకుంటున్నారు. అన్నీ కుదిరితే బాలయ్య తన కొడుకు మోక్షజ్ఞతో కలిసి నటించే అవకాశాలు ఎక్కువ ఉన్నాయని సినీ వర్గాల్లో అనుకుంటున్నారు. బ్బాలయ్య ప్రస్తుతం బోయపాటి సినిమాలో నటిస్తుండగా, మరోవైపు ఎన్టీఆర్ ఆర్ ఆర్ ఆర్ మూవీ చేస్తున్న విషయం తెలిసిందే. ఈ చిత్ర అనంతరం ఎన్టీఆర్- త్రివిక్రమ్ కాంబినేషన్లో మరో మూవీ తెరకెక్కనుంది. ఏది ఏమైనా బాబాయ్- అబ్బాయ్ కలయికలో సినిమా వస్తుందేమో చూడాలి మరి.