జగమేమాయ : పర్ఫెక్ట్ క్రైం థ్రిల్లర్ కామెడీ..!

ప్రేక్షకులను ఎంటర్టైన్ చేసే క్రమంలో కంటెంట్ ఉన్న సినిమాలకు ఎక్కువ ప్రాధాన్యత లభిస్తుంది. ఫ్లాట్ ఫాం ఎలాంటిదైనా నచ్చిన సినిమా వచ్చింది అంటే దాన్ని సూపర్ గా ప్రమోట్ చేస్తుంటారు ఆడియన్స్. సినిమాలో స్టార్ ఎవరు.. డైరెక్టర్ ఎవరు అన్నది కాదు సినిమాలో మ్యాటర్ ఉందా లేదా.. ఆడియన్స్ ని ఎంగేజ్ చేసిందా లేదా అన్నదే చూస్తున్నారు. లేటెస్ట్ గా అలాంటి ఆసక్తికరమైన సినిమా ఒకటి రిలీజైంది. అదే సునీల్ పుప్పాల డైరెక్షన్ లో వచ్చిన జగమేమాయ. చైతన్య రావు, తేజ ఐనంపూడి, ధన్యా బాలకృష్ణ నటించిన ఈ సినిమా డిస్నీ హాట్ స్టార్ లో డిసెంబర్ 14న రిలీజైంది.

క్రైం కామెడీ మూవీగా వచ్చిన ఈ సినిమాని గ్జాప్పీ స్టూడియోస్ బ్యానర్ లో ఉదయ్ కోలా, విజయ్ శేఖర్ అన్నే నిర్మించారు. సినిమాకు కథకు ఎంత బడ్జెట్ అవసరమో దానికి ఎక్కడ కాంప్రమైజ్ అవకుండా ఖర్చు పెట్టినట్టు తెలుస్తుంది. 30 వెడ్స్ 21 వెబ్ సీరీస్ తో ప్రేక్షకులకు దగ్గరైన చైతన్య రావు తో పాటుగా తన ప్రతిభతో మెప్పిస్తూ వస్తున్న ధన్యా బాలకృష్ణ, తేజ ఐనంపూడి కూడా సినిమాలో తమ తమ పాత్రలకు పూర్తి న్యాయం చేశారు.

సినిమా ఫస్ట్ హాఫ్ మొత్తం క్రైమ్ కామెడీతో నటీనటుల అద్భుతమైన పర్ఫార్మెన్స్ తో మెప్పించారు. ఇక సెకండ్ హాఫ్ థ్రిల్లర్ జోనర్ కి టర్న్ అయ్యి ఎండ్ వరకు చాలా ఎంగేజింగ్ గా అనిపిస్తుంది. ఈ వారాంతరం తప్పకుండా చూడాల్సిన సినిమాగా జగమేమాయ ప్రేక్షకులను అలరించనుంది. డిస్నీ హాట్ స్టార్ లో తెలుగు, తమిళ, కన్నడ, మలయాళ, హిందీ భాషల్లో కూడా జగమేమాయ అందుబాటులో ఉంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.