లీకుల మధ్య నలిగిపోతున్న 'ఆర్ఆర్ఆర్'

రాజమౌళి. ప్రస్తుతం భారతీయ చలనచిత్ర రంగంలో దేశవ్యాప్తంగా తన సినిమాలతో విపరీతమైన క్రేజ్ ను సంపాదించుకున్నాడు. అందుకే ఈయన రూపొందించే సినిమాలకోసం సినీ అభిమానులంతా కళ్లప్పగించి ఎదురుచూస్తున్నారు. ఆయన తాజాగా జూనియర్ ఎన్టీఆర్, రాంచరణ్ లను హీరోలుగా పెట్టి "ఆర్ఆర్ఆర్" సినిమాను తెరకెక్కిస్తున్నారు. ఇది దేశ స్వాతంత్ర్యానికి ముందు జరిగిన కథాంశంతో రూపొందిస్తున్నారు. జూనియర్ ఎన్టీఆర్ అల్లూరి సీతారామరాజు పాత్రలో నటిస్తుండగా, రాంచరణ్ కొమరం భీం పాత్రను పోషిస్తున్నారని అందరికి తెలిసిందే.

అయితే ఈ సినిమా మొదలైనప్పటి నుండి ఆటంకాలను ఎదుర్కుంటూ వస్తుంది. గత ఏడాదిన్నరగా షూటింగ్ జరుపుకుంటున్న ఈ సినిమా ఇంతవరకు పూర్తీ కాలేదని సమాచారం. కేవలం 70శాతం షూటింగ్ ముగించుకొని చిత్రయూనిట్ సెలవులను గడుపుతున్నారట. సెలవులంటే పర్యటనలు, విహారయాత్రలు లాంటివి కాదండోయ్.. కరోనా సెలవులు. అవును మీరు విన్నది నిజమే. కరోనా సెలవులిస్తే ఎవ్వరైనా తీసుకోవాల్సిందే.

ఇక రీసెంట్ గా కరోనా వల్ల బ్రేక్ తీసుకునే ముందు ఎన్టీఆర్ తో గూడ్స్ రైల్ సన్నివేశాలను చిత్రీకరించారట డైరెక్టర్ రాజమౌళి. నిజాం దొరలు అక్రమంగా తరలిస్తున్న యుద్ధ సామాగ్రిని దొంగిలిస్తాడట ఎన్టీఆర్. ఈ సీన్ సినిమాకే హైలెట్ గా నిలుస్తుందని సమాచారం. రాజమౌళి సినిమా నుండి చిన్న విషయం లీకైతేనే అభిమానులు ఆగలేరు. అలాంటిది ఎన్టీఆర్ తో సీన్ లీక్ అయిందంటే ఎన్టీఆర్ ఫ్యాన్స్ కి పండగే కదా..! చూడాలి మరి జక్కన్న "ఆర్ఆర్ఆర్" సినిమాను ఏ విధంగా చెక్కుతున్నాడో..