ఇండస్ట్రీ ఏదైనా సరే.. ఒక హీరోయిన్ లక్కీ హ్యాండ్ అనిపించుకుందంటే అవకాశాలు వెల్లువెత్తుతాయి. తొలి సినిమాతో హిట్టు కొట్టిన హీరోయిన్ కు వరుసగా ఆఫర్లు వచ్చి పడతాయి. కానీ కాజల్ అగర్వాల్ బాలీవుడ్ లో ఒకటికి రెండు సూపర్ హిట్లు ఇచ్చినా ఫలితం లేకపోయింది. ఆమె హిందీలో చేసిన తొలి సినిమా ‘సింగం’తో పెద్ద హిట్టయింది. తర్వాత ‘స్పెషల్ చబ్బీస్’ కూడా విజయవంతమైంది. కాజల్ అవకాశాల వెల్లువలో తడిసి ముద్దవడం కాదు కదా.. మళ్లీ ఇంకో ఛాన్స్ దక్కించుకోవడానికే చాలా కాలం ఎదురు చూసింది.
‘సింగం’ చేసిన రెండేళ్లకు ‘స్పెషల్ చబ్బీస్’లో అవకాశం దక్కించుకున్న కాజల్.. మళ్లీ రెండేళ్ల గ్యాప్ తర్వాత అక్కడ సినిమా చేస్తోంది. రణదీప్ హుడా పక్కన కాజల్ నటించిన ‘దో లఫ్జోంకీ కహానీ’ వచ్చే నెలలోనే ప్రేక్షకుల ముందుకు రాబోతోంది. దీపక్ తిజోరి దర్శకత్వం వహించిన ఈ మూవీ ఒక ప్యూర్ లవ్ స్టోరీ అట. ఈ శుక్రవారం విడుదల కాబోతున్న ‘బాజీరావ్ మస్తానీ’ సినిమా ఇంటర్వెల్లో ‘దో లఫ్జోంకీ కహానీ’ ట్రైలర్ ప్రదర్శించబోతున్నారు. తొలి రెండు సినిమాలు పెద్ద హిట్టయినా.. అందులో పెద్ద స్టార్లతో నటించినా.. ఇప్పుడు ‘జిస్మ్-2’ లాంటి ఎరోటిక్ మూవీలో నటించిన చిన్న హీరో రణదీప్ హుడా పక్కన కాజల్ హీరోయిన్ గా నటించడం చిత్రమే. చిన్నదో పెద్దదో కానీ.. ఈ సినిమా అయినా కాజల్ ను బిజీగా మారుస్తుందేమో చూద్దాం.
‘సింగం’ చేసిన రెండేళ్లకు ‘స్పెషల్ చబ్బీస్’లో అవకాశం దక్కించుకున్న కాజల్.. మళ్లీ రెండేళ్ల గ్యాప్ తర్వాత అక్కడ సినిమా చేస్తోంది. రణదీప్ హుడా పక్కన కాజల్ నటించిన ‘దో లఫ్జోంకీ కహానీ’ వచ్చే నెలలోనే ప్రేక్షకుల ముందుకు రాబోతోంది. దీపక్ తిజోరి దర్శకత్వం వహించిన ఈ మూవీ ఒక ప్యూర్ లవ్ స్టోరీ అట. ఈ శుక్రవారం విడుదల కాబోతున్న ‘బాజీరావ్ మస్తానీ’ సినిమా ఇంటర్వెల్లో ‘దో లఫ్జోంకీ కహానీ’ ట్రైలర్ ప్రదర్శించబోతున్నారు. తొలి రెండు సినిమాలు పెద్ద హిట్టయినా.. అందులో పెద్ద స్టార్లతో నటించినా.. ఇప్పుడు ‘జిస్మ్-2’ లాంటి ఎరోటిక్ మూవీలో నటించిన చిన్న హీరో రణదీప్ హుడా పక్కన కాజల్ హీరోయిన్ గా నటించడం చిత్రమే. చిన్నదో పెద్దదో కానీ.. ఈ సినిమా అయినా కాజల్ ను బిజీగా మారుస్తుందేమో చూద్దాం.