మెగా నందమూరి కాంబో.. టైటిల్ ఇదే?

మెగా-నందమూరి కాంబినేషన్.. చాలా సంవత్సరాలుగా మాటల్లో తప్ప ఆచరణలో సాధ్యం కానీ కాంబినేషన్ ఇది. ఆఫ్ స్క్రీన్ పై కలిసి కనిపించడమే తప్ప.. ఆన్ స్క్రీన్ పై చూసే అవకాశం ఇప్పటివరకూ రాలేదు. కానీ ఇప్పుడు మెగా-నందమూరి హీరోలు ఒకే సినిమాలో కనిపించేందుకు అనేశారు. ఇప్పటికే టైటిల్ కూడా ఫైనల్ చేసేశారనే టాక్ కూడా వినిపిస్తోంది.

ఈ అరుదైన కాంబినేషన్ ను సాధ్యం చేసిన డైరెక్టర్ ఏఎస్ రవికుమార్ చౌదరి. నందమూరి కళ్యాణ్ రామ్.. మెగా హీరో సాయి ధరం తేజ్ లు కలిసి ఒకే సినిమాలో సందడి చేసేయనున్నారు. గతంలో ఎన్నో క్రేజీ ప్రాజెక్టులను హ్యాండిల్ చేసిన నిర్మాత కేఎస్ రామారావు.. తన క్రియేటివ్ కమర్షియల్స్ బ్యానర్ పై ఈ చిత్రాన్ని నిర్మించనుండగా.. ఇప్పుడీ సినిమాకు టైటిల్ కూడా ఫైనల్ చేశారనే వార్తలు ఫిలింనగర్ లో హల్ చల్ చేస్తున్నాయి. 'రామకృష్ణ' టైటిల్ పై మెగా-నందమూరి హీరోల సినిమా తెరకెక్కనుండగా.. ఇందులో రామ్ కేరక్టర్లో కళ్యాణ్ రామ్.. కృష్ణ పాత్రలో సాయి థరం తేజ్ కనిపించనున్నారట.

ఇప్పటికే రామకృష్ణ టైటిల్ ను.. కేఎస్ రామారావు రిజిస్టర్ కూడా చేయించేశారని తెలుస్తోంది. త్వరలో మెగా-నందమూరి కాంబో సినిమాపై అఫీషియల్ అనౌన్స్ మెంట్ కు దర్శక నిర్మాతలు సిద్ధమవుతున్నారు.

Like Us on Facebook : https://www.facebook.com/Tupakidotcom/