నందమూరి కళ్యాణ్ రామ్ తన లాస్ట్ సినిమా '118' తో ప్రేక్షకులను మెప్పించాడు. రెగ్యులర్ గా మాస్ ఎంటర్టైనర్లు చేసే కళ్యాణ్ రామ్ '118' లాంటి థ్రిల్లర్లో నటిస్తాడని ఎవరూ ఎక్స్ పెక్ట్ చెయ్యలేదు. అయితే కళ్యాణ్ రామ్ మాత్రం గత కొంత కాలంగా తన కథల ఎంపికలో కొత్తదనం చూపించేందుకు ప్రయత్నిస్తున్నాడు. కళ్యాణ్ రామ్ ఫ్యూచర్ ప్రాజెక్టుల విషయంలో కూడా ఇదే పంథాను అనుసరిస్తున్నట్టుగా తెలుస్తోంది.
'118' తర్వాత కళ్యాణ్ రామ్ వేణు మల్లిడి దర్శకత్వంలో 'తుగ్లక్' అనే చిత్రంలో నటిస్తున్నాడు. ఈ సినిమా మాస్ ఆడియన్స్ ను మెప్పించే విధంగా ఒక కమర్షియల్ ఎంటర్టైనర్ గా ఉంటుందట. ఈ సినిమా పూర్తి కాకముందే కళ్యాణ్ రామ్ మరో సినిమాకు గ్రీన్ సిగ్నల్ ఇచ్చాడట. 'శతమానం భవతి' ఫేమ్ సతీష్ వేగేశ్న రీసెంట్ గా ఒక కుటుంబ కథతో కళ్యాణ్ రామ్ ను మెప్పించాడట. దీంతో సతీష్ కు వెంటనే నందమూరి హీరో పచ్చజెండా ఊపాడని సమాచారం. ఈ సినిమాను ఆదిత్య మ్యూజిక్ కంపెనీవారు నిర్మిస్తారట.
సతీష్ వేగేశ్న చివరి సినిమా నితిన్ హీరోగా నటించిన 'శ్రీనివాస కళ్యాణం' బాక్స్ ఆఫీస్ దగ్గర తీవ్రంగా నిరాశ పరిచింది. మరి కళ్యాణ్ రామ్ తో రూపొందించబోయే చిత్రంతో మళ్ళీ సతీష్ బౌన్స్ బ్యాక్ అవుతాడో లేదో వేచి చూడాలి. ఏదేమైనా కళ్యాణ్ రామ్ - సతీష్ వేగేశ్న కాంబో ఆసక్తి రేకెత్తించేదే.
'118' తర్వాత కళ్యాణ్ రామ్ వేణు మల్లిడి దర్శకత్వంలో 'తుగ్లక్' అనే చిత్రంలో నటిస్తున్నాడు. ఈ సినిమా మాస్ ఆడియన్స్ ను మెప్పించే విధంగా ఒక కమర్షియల్ ఎంటర్టైనర్ గా ఉంటుందట. ఈ సినిమా పూర్తి కాకముందే కళ్యాణ్ రామ్ మరో సినిమాకు గ్రీన్ సిగ్నల్ ఇచ్చాడట. 'శతమానం భవతి' ఫేమ్ సతీష్ వేగేశ్న రీసెంట్ గా ఒక కుటుంబ కథతో కళ్యాణ్ రామ్ ను మెప్పించాడట. దీంతో సతీష్ కు వెంటనే నందమూరి హీరో పచ్చజెండా ఊపాడని సమాచారం. ఈ సినిమాను ఆదిత్య మ్యూజిక్ కంపెనీవారు నిర్మిస్తారట.
సతీష్ వేగేశ్న చివరి సినిమా నితిన్ హీరోగా నటించిన 'శ్రీనివాస కళ్యాణం' బాక్స్ ఆఫీస్ దగ్గర తీవ్రంగా నిరాశ పరిచింది. మరి కళ్యాణ్ రామ్ తో రూపొందించబోయే చిత్రంతో మళ్ళీ సతీష్ బౌన్స్ బ్యాక్ అవుతాడో లేదో వేచి చూడాలి. ఏదేమైనా కళ్యాణ్ రామ్ - సతీష్ వేగేశ్న కాంబో ఆసక్తి రేకెత్తించేదే.