కూతురితో ఫెయిర్ అండ్ ల‌వ్ లీ బ్యూటీ

సోష‌ల్ మీడియా.. డిజిట‌ల్ మాధ్య‌మాల్లో ఫ్యామిలీ మ్యాట‌ర్స్ ని ప్ర‌మోట్ చేసుకునే సెల‌బ్రిటీలకు కొద‌వేమీ లేదు. ఆ కోవ‌లో న‌మ్ర‌త‌.. స‌మంత‌.. అనుష్క శ‌ర్మ.. నీహారిక‌ వంటి స్టార్లు జ‌రంత స్పీడ్ గా ఉంటారు. ఇటీవ‌లే సూప‌ర్ స్టార్ కృష్ణ వార‌సురాలు మంజుల యూట్యూబ్ చానెల్ ప్రారంభించి అక్క‌డ రెగ్యుల‌ర్ గా ఫిట్నెస్ స‌హా ఫ్యామిలీ మ్యాట‌ర్స్ ని వైర‌ల్ గా ప్ర‌మోట్ చేస్తున్నారు. భారీగా ఫాలోవ‌ర్స్ ని సంపాదించుకుంటున్నారు.

ఇక ఇదే బాట‌లో క‌న్న‌డ చిత్రాల్లో ఫేమ‌స్ న‌టి శ్వేత శ్రీ‌వ‌త్స‌వ్ సోష‌ల్ మీడియాల్లో బోలెడంత ప్ర‌మోష‌న్ తో దూసుకుపోతున్నారు. ఇక త‌న వార‌సురాలైన అస్మిత శ్రీ‌వ‌త్స‌వ్ పేరుతో యూట్యూబ్ చానెల్ స‌హా ఇన్ స్టా వంటి మాధ్య‌మాల్లో వైర‌ల్ గా ప్ర‌మోష‌న్ చేస్తున్నారు. ఇంత‌కుముందు అస్మిత బ‌ర్త్ డే సంద‌ర్భంగా ఓ స్పెష‌ల్ వీడియోని అభిమానుల్లో వైరల్ చేశారు.

తాజాగా త‌న కుమార్తె అస్మిత తో క‌లిసి ఆట‌లాడుకుంటూ ఎక్స్ ర్ సైజులు చేస్తూ ఉన్న ఫోటోల్ని శ్వేత సోష‌ల్ మీడియాలో షేర్ చేశారు. శ్వేత శ్రీ‌వ‌త్స‌వ్ యోగా.. జిమ్ అంటూ బిజీ సెష‌న్స్ లో కుమార్తెను విడువ‌డం లేదు. ఆ ఫోటోల్ని అభిమానులు వైర‌ల్ గా షేర్ చేస్తున్నారు. మామ్ అయ్యాక న‌ట‌న‌కు కామా పెట్టి ఇదిగో ఇలా టైమ్ స్పెండ్ చేస్తున్నార‌న్న‌మాట‌. బుల్లితెర నుంచి వెండితెర‌కు ప్ర‌మోటైన శ్వేత శ్రీ‌వ‌త్స‌వ్ ఇంత‌కుముందు ప‌లు బ్లాక్ బ‌స్ట‌ర్ చిత్రాల్లో న‌టించారు. ఫెయిర్ అండ్ ల‌వ్ లీ అనే చిత్రంలో న‌ట‌న‌కు గాను ఫిలింఫేర్ ఉత్త‌మ న‌టి అవార్డ్ ను అందుకున్నారు. 2020లో ర‌హ‌దారి అనే చిత్రంలో న‌టిస్తున్నారు.