ప్రభాస్ హిందీ ప్రాజెక్ట్ దేవరకొండ ఖాతాలో..?

బాలీవుడ్ ఫిలిం మేకర్ కరణ్ జోహార్ పేరు తెలియని సినిమాప్రేమికుడు దాదాపుగా ఉండడు.  'బాహుబలి' హిందీలో ఘన విజయం సాధించడం లో కరణ్ పాత్ర చాలా ఉంది.  నేషనల్ మీడియా అటెన్షన్ రాబట్టడం దగ్గర నుంచి..  నార్త్ భారీ సంఖ్యలో థియేటర్లు సెట్ చేయడంవరకూ కరణ్ 'బాహుబలి' కి ఉపయోగపడ్డాడు. లాభాలు కూడా వచ్చాయనుకోండి అది వేరే విషయం.

'బాహుబలి' విజయం తర్వాత ప్రభాస్ తో డైరెక్ట్ హిందీ చేయాలనే ప్లాన్ తో ప్రభాస్ కు రెండు సినిమాల డీల్ కూడా ఆఫర్ చేశాడట. కానీ ప్రభాస్ కు 'సాహో' తో పాటుగా రాధాకృష్ణ కుమార్ దర్శకత్వంలో మరో సినిమా కూడా కమిట్ అయి ఉండడంతో కరణ్ ప్రతిపాదనను సున్నితంగా తిరస్కరించాడట.  ఇదిలా ఉంటే.. రీసెంట్ గా కరణ్ జోహార్ బ్యానర్ లో టాలీవుడ్ సెన్సేషన్ విజయ్ దేవరకొండ ఒక హిందీ సినిమా చేస్తున్నాడని వార్తలు వచ్చాయి.  'టాక్సీవాలా' ప్రమోషన్స్ సమయంలో విజయ్ ను అడిగితే కరణ్ జోహర్ బ్యానర్ లో సినిమా ఉంటుందని కన్ఫాం చేశాడు. పైగా కాఫీ విత్ కరణ్ షో లో జాన్వీ కపూర్ విజయ్ దేవరకొండతో నటించాలని ఉంది అని చెప్పింది.

కరణ్ జోహార్ ప్రభాస్ తో తెరకెక్కిద్దామని అనుకున్న సినిమానే ఇప్పుడు విజయ్ దేవరకొండకు సెట్ చేస్తున్నాడని ఇప్పుడు బాలీవుడ్ మీడియాలో స్పెక్యులేషన్లు హల్చల్ చేస్తున్నాయి.  కరణ్ కు చాలా రోజుల నుండి ఒక సౌత్ హీరో తో సినిమా చేద్దామని ఉందట. ఎలాగూ ప్రభాస్ తో చేయడం కుదరలేదు కాబట్టి ఇప్పుడు విజయ్ తో ఆ ప్రాజెక్ట్ ప్లాన్ చేస్తున్నాడని అంటున్నారు.  రీసెంట్ గా విజయ్ దేవరకొండ ముంబైలో కరణ్ కు చెందిన ధర్మా ప్రొడక్షన్స్ ఆఫీసుకు వెళ్ళి ఈ ప్రాజెక్టు గురించి చర్చలు జరిపాడని కూడా రూమర్లు వినిపిస్తున్నాయి.  ఒకవేళ  ఇవన్నీ నిజమే అయితే మన తెలుగు హీరో ముంబైని షేక్ చెయ్యడానికి వెళ్తున్నాడన్నమాట!