కౌశ‌ల్ కు 'హార్వెస్ట్' డాక్ట‌రేట్!

బిగ్ బాస్ -2 టైటిల్ విన్న‌ర్ కౌశ‌ల్ ...ఓవ‌ర్ నైట్ లో సెల‌బ్రిటీ అయిన సంగ‌తి తెలిసిందే. బిగ్ బాస్ చ‌రిత్ర‌లో ఎన్న‌డూ లేని విధంగా ఓ కంటెస్టెంట్ కు మద్ద‌తుగా ఓ ఆర్మీ ఏర్ప‌డ‌డం...ఆ ఆర్మీ...షోను శాసించే స్థాయికి చేర‌డం తీవ్రంగా చ‌ర్చ‌నీయాంశ‌మైంది. కౌశ‌ల్ ఆర్మీ పెయిడ్ అంటూ...కొంద‌రు ఆరోపిస్తున్న సంగతి తెలిసిందే. కౌశ‌ల్ ఆర్మీ పెయిడ్ అని నిరూపిస్తే ఏం చేయ‌డానికైనా సిద్ధ‌మ‌ని కౌశ‌ల్ చాలెంజ్ చేశాడు. ఈ నేప‌థ్యంలో తాజాగా కౌశ‌ల్ ఆర్మీకి కౌశల్ ఓ గుడ్ న్యూస్ చెప్పాడు. త‌న‌కు ఓ విదేశీ యూనివర్సిటీ నుంచి డాక్ట‌రేట్ వ‌చ్చింద‌ని కౌశ‌ల్ ...సోష‌ల్ మీడియాలో ఓ వీడియో రిలీజ్ చేశాడు. అయితే, ఆ డాక్ట‌రేట్ ఎందుకు వ‌చ్చిందో త్వ‌ర‌లోనే చెబుతాన‌ని, అప్ప‌టివ‌రకు అభిమానులు వేచి ఉండాల‌ని కోరాడు. ప్ర‌స్తుతం ఈ వీడియో సోష‌ల్ మీడియాలో వైర‌ల్ అయింది.

త‌న‌కు త్వ‌ర‌లో హార్వెస్ట్ బైబిల్ యూనివ‌ర్సిటీ నుంచి గౌర‌వ డాక్ట‌రేట్ ద‌క్క‌నుంద‌ని కౌశ‌ల్ త‌న అభిమానుల‌కు చెప్పాడు. ఈ విష‌యం గురించి త‌నకు అధికారికంగా ఫోన్ వ‌చ్చింద‌ని చెప్పాడు. అయితే, డాక్ట‌రేట్ వ‌చ్చిన కార‌ణాలు మాత్రం కౌశ‌ల్ వెల్ల‌డించ‌లేదు. త‌న అభిమానులంరికీ కొంతకాలం స‌స్పెన్స్ త‌ప్ప‌ద‌ని, త్వ‌ర‌లోనే ఆ కార‌ణం వెల్ల‌డిస్తాన‌ని అన్నాడు. అయితే, బిగ్ బాస్ చ‌రిత్ర‌లో ఏ అభ్య‌ర్థికి లేని విధంగా కౌశ‌ల్ కు ఓ ఆర్మీ ఏర్ప‌డ‌డం నేప‌థ్యంలోనే కౌశ‌ల్ కు డాక్ట‌రేట్ ప్ర‌దానం చేయ‌బోతున్నార‌ని సోష‌ల్ మీడియాలో పుకార్లు వినిపిస్తున్నాయి. అందుకే, ప్ర‌త్యేకంగా కౌశ‌ల్ ...త‌న ఆర్మీకు ఈ విష‌యాన్ని స్వ‌యంగా వెల్ల‌డించాడ‌ని నెటిజ‌న్లు కామెంట్స్ చేస్తున్నారు.