పటాస్ అక్కడ తుస్సుమనేసింది

తెలుగులో పటాస్ మూవీ సూపర్ హిట్ రేంజ్ కి మించిన సక్సెస్ సాధించింది. చాలాకాలం తర్వాత కళ్యాణ్ రామ్ కు ఊరటనిచ్చే విజయం అందించింది. అంతే కాదు.. అనిల్ రావిపూడి లాంటి దర్శకుడిని టాలీవుడ్ కి అందించింది కూడా. పోలీస్ పాత్రలో కళ్యాణ్ రామ్ నటన ప్రతీ ఒక్కరినీ ఆకట్టుకుంది.

అయితే.. తెలుగులో ఆటంబాంబ్ రేంజ్ లో పేలిన ఈ పటాస్.. తమిళ్ లో మాత్రం పూర్తి విభిన్నమైన ఫలితాన్ని ఇచ్చింది. ఈ చిత్రాన్ని తమిళ్ లో మొట్ట శివ.. కెట్ట శివ(గుండు శివ మొండి శివ) అనే టైటిల్ పై రీమేక్ చేశాడు రాఘవ లారెన్స్. కళ్యాణ్ రామ్ పాత్రలో లారెన్స్ నటించగా.. సాయికుమార్ పాత్రను సత్యరాజ్ చేశాడు. పాటలకు తప్ప పెద్దగా ఇంపార్టెన్స్ లేని జర్నలిస్ట్ పాత్ర అయిన హీరోయిన్ పాత్రను నిక్కీ గల్రానీ పోషించింది. రాయ్ లక్ష్మీతో ఐటెం సాంగ్ చేయించాడు లారెన్స్.

ఇన్నేసి అట్రాక్షన్స్ ఉన్నా.. తమిళ్ పటాస్ మాత్రం తుస్సుమనేసింది. ఈ శుక్రవారం రిలీజ్ అయిన కెట్ట శివ మొట్ట శివ.. భారీ డిజాస్టర్ అని తేల్చేశారు ట్రేడ్ జనాలు. తెలుగులో భారీ సక్సెస్ సాధించిన ఈ పోలీస్ స్టోరీ పటాస్.. తమిళ్ లో మాత్రం నిరుత్సాహపరచడం ఆశ్చర్యకరం.

Like Us on Facebook : https://www.facebook.com/Tupakidotcom/