లెజెండరీ యాక్టర్ రావు గోపాల్ రావ్ తనయుడిగా ఇండస్ట్రీలో అడుగుపెట్టిన రావు రమేష్.. విలక్షణ పాత్రలతో తనకంటూ ప్రత్యేక గుర్తింపు తెచ్చుకున్నాడు. అటు వైవిధ్యమైన విలనిజంతో పాటు, ఇటు హాస్యాన్ని కూడా పండించే అతి కొద్దిమంది నటులలో రావు రమేష్ ఒకరు. ప్రస్తుతం వరుస సినిమాలతో బిజీ ఆర్టిస్టుగా మారిన ఆయన ఇతర భాషల్లో కూడా నటిస్తున్నాడు. ఈ క్రమంలో దేశవ్యాప్తంగా సినీ అభిమానులు ఆసక్తిగా ఎదురుచూస్తున్న ''కేజీఎఫ్ 2'' చిత్రంలో రావు రమేష్ కీలక పాత్ర పోషిస్తున్న సంగతి తెలిసిందే.
సంచలన విజయం సాధించిన ‘కేజీఎఫ్’ చిత్రానికి కొనసాగింపుగా ‘కేజీఎఫ్ చాప్టర్‌ 2’ రెడీ అవుతోంది. ప్రశాంత్‌ నీల్‌ దర్శకత్వం వహిస్తున్న ఈ చిత్రంలో కన్నెగంటి రాఘవన్ అనే సీబీఐ ఆఫీసర్‌ పాత్రలో రావు రమేష్ నటిస్తున్నారు. నేడు విలక్షణ నటుడి పుట్టినరోజు కావడంతో 'కేజీఎఫ్' చిత్ర యూనిట్ ఆయనకు శుభాకాంక్షలు తెలుపుతూ స్పెషల్ పోస్టర్ ని రిలీజ్ చేసింది. 'నరాచి లైమ్ స్టోన్ కార్పొరేషన్ వెనుక దాగున్న నిజాన్ని బయట పెట్టడంలో రాఘవన్ విజయవంతం అవుతారా?' 'సిబిఐకి ఉన్న ఆసక్తి కేజీఎఫ్ మీదనా లేదా రాకీ భాయ్ మీదా?' అనేది తెలియాలంటే సినిమా విడుదలయ్యే వరకు ఆగాల్సిందే.
కాగా, కన్నడ రాకింగ్ స్టార్ యశ్‌ - శ్రీనిధి శెట్టి జంటగా నటిస్తున్న ''కేజీఎఫ్ ఛాప్టర్‌-2" ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటోంది. ఇప్పటికే విడుదల చేసిన ప్రమోషనల్ కంటెంట్ ఈ సినిమాపై అంచనాలు రెట్టింపు చేసింది. మొదటి భాగానికి వచ్చిన ఆదరణను దృష్టిలో పెట్టుకుని రెండో భాగంలోకి వివిధ భాషలకు చెందిన ప్రముఖ నటులను తీసుకున్నారు. బాలీవుడ్‌ నటుడు సంజయ్‌ దత్‌ విలన్ ‘అధీరా’ పాత్రలో కనిపించనున్నాడు. రవీనా టాండన్ - ప్రకాష్ రాజ్ - ఈశ్వరీ రావు ఇతర ప్రధాన పాత్రల్లో నటించారు. పాన్ ఇండియా స్థాయిలో రిలీజ్ కానున్న ఈ చిత్రాన్ని హోంబలే ఫిలింస్ బ్యానర్ పై నిర్మాత విజయ్‌ కిరగందూర్‌ భారీ బడ్జెట్ తో నిర్మిస్తున్నారు.
సంచలన విజయం సాధించిన ‘కేజీఎఫ్’ చిత్రానికి కొనసాగింపుగా ‘కేజీఎఫ్ చాప్టర్‌ 2’ రెడీ అవుతోంది. ప్రశాంత్‌ నీల్‌ దర్శకత్వం వహిస్తున్న ఈ చిత్రంలో కన్నెగంటి రాఘవన్ అనే సీబీఐ ఆఫీసర్‌ పాత్రలో రావు రమేష్ నటిస్తున్నారు. నేడు విలక్షణ నటుడి పుట్టినరోజు కావడంతో 'కేజీఎఫ్' చిత్ర యూనిట్ ఆయనకు శుభాకాంక్షలు తెలుపుతూ స్పెషల్ పోస్టర్ ని రిలీజ్ చేసింది. 'నరాచి లైమ్ స్టోన్ కార్పొరేషన్ వెనుక దాగున్న నిజాన్ని బయట పెట్టడంలో రాఘవన్ విజయవంతం అవుతారా?' 'సిబిఐకి ఉన్న ఆసక్తి కేజీఎఫ్ మీదనా లేదా రాకీ భాయ్ మీదా?' అనేది తెలియాలంటే సినిమా విడుదలయ్యే వరకు ఆగాల్సిందే.
కాగా, కన్నడ రాకింగ్ స్టార్ యశ్‌ - శ్రీనిధి శెట్టి జంటగా నటిస్తున్న ''కేజీఎఫ్ ఛాప్టర్‌-2" ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటోంది. ఇప్పటికే విడుదల చేసిన ప్రమోషనల్ కంటెంట్ ఈ సినిమాపై అంచనాలు రెట్టింపు చేసింది. మొదటి భాగానికి వచ్చిన ఆదరణను దృష్టిలో పెట్టుకుని రెండో భాగంలోకి వివిధ భాషలకు చెందిన ప్రముఖ నటులను తీసుకున్నారు. బాలీవుడ్‌ నటుడు సంజయ్‌ దత్‌ విలన్ ‘అధీరా’ పాత్రలో కనిపించనున్నాడు. రవీనా టాండన్ - ప్రకాష్ రాజ్ - ఈశ్వరీ రావు ఇతర ప్రధాన పాత్రల్లో నటించారు. పాన్ ఇండియా స్థాయిలో రిలీజ్ కానున్న ఈ చిత్రాన్ని హోంబలే ఫిలింస్ బ్యానర్ పై నిర్మాత విజయ్‌ కిరగందూర్‌ భారీ బడ్జెట్ తో నిర్మిస్తున్నారు.