రేసులో మాస్ రాజా ముందున్నాడా..??

సమ్మర్ సీజన్ అనేది టాలీవుడ్ ఇండస్ట్రీకి చాలా ముఖ్యమైంది. ఎందుకంటే ఈ సమ్మర్ లోనే అటు బడా హీరోలు ఇటు మీడియం, అప్ కమింగ్ హీరోల సినిమాలు విడుదల అవుతుంటాయి. అలాగే ఈ సమ్మర్ లోనే చాలామంది హీరోల సినిమాలు కూడా ఒకదానితో ఒకటి పోటీపడటం చూస్తూనే ఉంటాం. ఈ ఏడాది వేసవిలో అలాంటి బ్లాక్ బస్టర్ ఫైట్ ఒకటి జరగనుంది. ఏంటంటే.. ఓవైపు నటసింహం బాలయ్య నటిస్తున్న బిబి3.. మరోవైపు మాస్ రాజా రవితేజ నటిస్తున్న ఖిలాడి.. ఈ రెండు సినిమాలను కూడా మే 28న విడుదల చేయనున్నట్లు ప్రకటించారు మేకర్స్. ఆ ప్రకటన సోషల్ మీడియాలో కొంతకాలం వరకు హాట్ టాపిక్ అయింది. అయితే తాజాగా కరోనా సెకండ్ వేవ్ తలెత్తడంతో నాగచైతన్య నటించిన 'లవ్ స్టోరీ' మూవీ వాయిదా పడింది. ఇప్పటికే కరోనా కారణంగా లవ్ స్టోరీ వాయిదా పడటంతో త్వరలో విడుదల కాబోతున్న సినిమాలు కూడా వాయిదాపడే అవకాశం ఉందని అంటున్నారు.

ప్రస్తుతానికి ఖిలాడి, బిబి3 రెండు సినిమాల విడుదల తేదీ(మే28)లో ఎలాంటి మార్పు కనిపించడం లేదు. కానీ ఈ రెండు సినిమాలలో మొదటగా ప్రమోషన్స్ ప్రారంభిస్తుంది మాత్రం ఖిలాడి సినిమానే. ఏప్రిల్ 12న ఉదయం 10:08 గంటలకు ఖిలాడి టీజర్ విడుదల చేయనున్నారు మేకర్స్. అంటే ఉగాది కంటే ఓ రోజు ముందు ఖిలాడి టీజర్ వస్తుంది. మరోవైపు బాలయ్య చిత్రం బిబి3 నుండి ఇంకా టైటిల్ కూడా అనౌన్స్ కాలేదు. బిబి3 షూటింగ్ ఇంకా జరుగుతోంది. అలాగే సినిమా టైటిల్, టీజర్ విషయంలో సమాచారం లేదు. ఈ విధంగా చూసుకుంటే.. రేసులో బాలకృష్ణ కంటే రవితేజ ముందున్నాడని చాలా స్పష్టంగా తెలుస్తుంది. ఈ చిత్రంలో రవితేజ స్టైలిష్ గా కనిపించడంతో ఖిలాడిపై అంచనాలు పెరిగాయి. అలాగే బాలయ్య సినిమా పై కూడా అదే రేంజి అంచనాలున్నాయి. దానికి కారణం.. బాలయ్య - బోయపాటిల బ్లాక్ బస్టర్ కాంబినేషన్. చూడాలి మరి ఇకనైనా బాలయ్య వేగం పెంచుతాడేమో!