వీడియో సాంగ్: కోపంగా నిధి.. గారంగా అఖిల్

అక్కినేని అఖిల్-నిధి అగర్వాల్ హీరో హీరోయిన్లుగా తెరకెక్కిన చిత్రం 'Mr. మజ్ను'.  'తొలి ప్రేమ' ఫేమ్ వెంకీ అట్లూరి రూపొందించిన ఈ సినిమా రిపబ్లిక్ డే వీకెండ్ లో ప్రేక్షకుల ముందుకు వచ్చింది.  అంచనాలు అందుకోలేకపోయిన ఈ చిత్రం మిక్స్డ్ టాక్ తో రన్ అవుతోంది.  కానీ పోటీలో 'F2' తప్ప మరో చెప్పుకోదగ్గ సినిమా లేకపోవడం 'Mr.మజ్ను' కు కలిసి వచ్చే అంశమే.

దీంతో 'Mr. మజ్ను' ప్రమోషన్స్ డోస్ పెంచుతున్నారు.  అందులో భాగంగా ఈ సినిమాలో హిట్ గా నిలిచిన కోపంగా కోపంగా పాట ఫుల్ వీడియో ను విడుదల చేశారు.  థమన్ అందించిన క్యాచీ ట్యూన్ కు శ్రీమణి లిరిక్స్ తో పాటు అర్మాన్ మాలిక్.. థమన్ ల గానం తోడవడంతో సాంగ్ అందరినీ మెప్పిస్తోంది.  శేఖర్ మాస్టర్ కోరియోగ్రఫీ అందించిన ఈ పాటకు అఖిల్ స్టెప్స్ కూడా ఆకట్టుకునేలా ఉన్నాయి.  విజువల్స్ కూడా ప్రేక్షకులను మెప్పించేవే.

ఈ ప్రమోషన్స్ 'Mr. మజ్ను' కు బాక్స్ ఆఫీస్ దగ్గర ఊపు తీసుకొస్తే మంచిదే కదా.  ప్రస్తుతానికైతే 'Mr. మజ్ను' యావరేజ్ కలెక్షన్స్ తో ముందుకు సాగుతోంది.  సినిమా సంగతి పక్కనబెట్టి కోపంగా కోపంగా వీడియో సాంగ్ ను కాస్త చిరునవ్వుతో చూడండి.

Full View