తన హీరోకు కృతజ్ఞతలు చెప్పిన కృతిశెట్టి.. ఎందుకంటే?

ఉప్పెన సినిమాతో టాలీవుడ్ ఇండస్ట్రీకి పరిచయమైన యువనటి కృతిశెట్టి. ఫిబ్రవరి 12న ఎప్పటినుండో విడుదల కోసం ఎదురుచూస్తున్న ఉప్పెన సినిమా భారీ ఎత్తున విడుదలైంది. ప్రస్తుతం థియేటర్లలో విజయవంతంగా ప్రదర్శితమవుతున్న ఉప్పెన సినిమాను చూసేందుకు నేచురల్ స్టార్ నాని ఓ స్పెషల్ అరెంజ్మెంట్ చేసాడట. ఈ స్పెషల్ ఆరెంజ్మెంట్ తో కృతిశెట్టి మనసు గెలుచుకున్నాడు నాని. ప్రస్తుతం కృతి నానితో శ్యామ్ సింగరాయ్ అనే సినిమాలో నటిస్తున్న సంగతి తెలిసిందే. ఇప్పుడు భారీ షెడ్యూల్ నడుస్తున్నందున ఆమె ఉప్పెన సినిమా రిలీజ్ డే షో మిస్ అవుతుందని నాని అక్కడే షూటింగ్ స్పాట్ లో స్పెషల్ షో వేయించాడట. నిన్న రాత్రి కలకత్తాలో కృతితో పాటు శ్యామ్ సింగరాయ్ చిత్రబృందం ఉప్పెన సినిమాను వీక్షించారట.

నాని ఏర్పాటు చేసిన ఆ షో తనకు తీపిగుర్తుగా ఉంటుందని కృతి ట్విట్టర్ వేదికగా తెలిపింది. కృతి ట్వీట్ చేస్తూ.. 'నాకు అలాగే శ్యామ్ సింగరాయ్ తారాగణం, బృందం కోసం కోల్‌కతాలో ఉప్పెన ప్రత్యేక ప్రదర్శన ఏర్పాటు చేసినందుకు చాలా థాంక్స్ నానిగారు. ఈ స్వీట్ మూమెంట్ కు చాలా ధన్యవాదాలు. నాకు చాలా నచ్చింది. మీ స్పెషల్ ట్రీట్ ఎప్పటికీ మరిచిపోలేను' అంటూ పోస్ట్ చేసింది. ఇదిలా ఉండగా.. టాక్సీవాలా ఫేమ్ రాహుల్ సంకృతన్ దర్శకత్వం వహిస్తున్న శ్యామ్ సింగరాయ్ మూవీ కృతికి రెండో సినిమా. ఈ సినిమాలో ముగ్గురు హీరోయిన్స్ ఉండగా.. సాయిపల్లవి, కృతిశెట్టి, మడోనా సెబాస్టియన్ నటిస్తున్నారు. ఈ సినిమాతో పాటు కృతి పలు క్రేజీ సినిమాలను లైన్ లో పెడుతున్నట్లు తెలుస్తుంది. చూడాలి మరి తెలుగులో స్టార్డం అందుకుంటుందేమో!