ముద్దుల ప్రేమ : టీజర్ టాక్

తన కన్నుగీటుతో యావత్ యువతరాన్ని వలలో వేసిన ప్రియ ప్రకాష్ వారియర్ సినిమా ఎట్టకేలకు ప్రేక్షకుల ముందుకు వస్తోంది. ఒరు ఆధార్ లవ్ పేరుతో మలయాళంలో రూపొందిన ఈ మూవీని తెలుగులో లవర్స్ డే పేరుతో డబ్ చేసి ప్రేమికుల రోజే తీసుకొస్తున్నారు. ఈ సందర్భంగా నిమిషం లోపే ఉన్న చిన్న టీజర్ ని టీం విడుదల చేసింది. దీని విషయానికి వస్తే అన్ని యూత్ సినిమాల్లో ఉండే రెగ్యులర్ ప్రేమ సన్నివేశం తోనే ఇందులో కూడా చూపించారు.

అబ్బాయి అమ్మాయి కాలేజీ గోడకు వారగా నిలుచోవడం ఇంత త్వరగా ప్రేమకు ఒప్పుకుంటావని అనుకోలేదని హీరో అనడం దానికి హీరొయిన్ అమాయకంగా బదులిస్తే అతను లిప్ టు లిప్ కిస్ ఇచ్చేసి ఇప్పుడు తెలుసుకో అంటూ తుర్రుమని పారిపోవడం అంత సగటు లవ్ స్టోరీస్ లలో రెగ్యులర్ గా చూసిందే. అయితే దీనికి ప్రధాన ఆకర్షణగా నిలుస్తున్న ప్రియా వారియర్ ఆధర చుంబనం బాగా హాట్ గా ఉంది.

ఒమర్ లుల్లు దర్శకత్వం వహించిన ఈ లవర్స్ డే కి సంగీతం షాన్ రెహమాన్. ప్రియకు జోడిగా నటించిన కుర్రాడు రోషన్ అబ్దుల్. లేత వయసులో ప్రేమికులుగా జంట క్యూట్ గా ఉంది. అయితే ఈ ఇద్దరినీ తప్ప ఇంకేవారిని టీజర్ లో చూపించలేదు. నిజానికి దీని షూటింగ్ ఎప్పుడో పూర్తయ్యింది. అంతకు ముందు విడుదల చేసిన టీజర్ లో కన్నుగీటుకి వచ్చిన రెస్పాన్స్ కి అదిరిపోయిన టీం చాలా మార్పులు చేసి సెకండ్ హీరొయిన్ గా ఉన్న ప్రియా వారియర్ ని మెయిన్ లీడ్ గా మార్చినట్టు మల్లువుడ్ టాక్. మొత్తానికి యూత్ కి కనెక్ట్ అయ్యేలా ఉన్న ఈ ముద్దుల టీజర్ లాగే సినిమా ఉందో లేక అంతకు మించిన విషయం  ఉందో వచ్చే వారం తెలిసిపోతుంది .