‘బ్రహ్మోత్సవం’ డిజాస్టర్ కావడంతో ఎవ్వరితోనూ టచ్ లో లేకుండా పోయిన సూపర్ స్టార్ మహేష్ బాబు.. నెల రోజుల విరామం తర్వాత ఈ మధ్యే ఓ ట్వీట్ చేసిన సంగతి తెలిసిందే. మళ్లీ తాజాగా అతడి నుంచి ఇంకో ట్వీట్ వచ్చింది. సైమా (సౌత్ ఇండియన్ ఇంటర్నేషనల్ మూవీ అవార్డ్స్)లో తనకు ‘శ్రీమంతుడు’ చిత్రానికిగాను ఉత్తమ నటుడిగా అవార్డు దక్కడంపై సంతోషం వ్యక్తం చేస్తూ మహేష్ బాబు ట్వీట్ చేశాడు. అవార్డు దక్కిన సందర్భంగా మహేష్ బాబు సోమవారం 'థ్యాంక్యూ సైమా' అంటూ ట్వీట్ చేశాడు. ఆన్ లైన్ ఓటింగ్ ద్వారా అవార్డుల ఎంపిక జరగ్గా.. మహేష్ బాబుకే ప్రేక్షకులు పట్టం కట్టారు.
ఇప్పటివరకు సైమా అవార్డుల వేడుకలు ఐదుసార్లు జరగ్గా.. మూడు సార్లు తెలుగు నుంచి ఉత్తమ నటుడిగా మహేష్ బాబే ఎంపికవడం విశేషం. 2012లో దూకుడు.. 2014లో సీతమ్మ వాకిట్లో సిరిమల్లె చెట్టు చిత్రాలకు ఇంతకుముందు మహేష్ ఉత్తమ నటుడి పురస్కారం అందుకున్నాడు. తాజాగా ‘శ్రీమంతుడు’తో మూడో అవార్డు ఖాతాలో వేసుకున్నాడు. కొరటాల శివ దర్శకత్వం వహించిన ‘శ్రీమంతుడు’ ప్రతి అవార్డుల వేడుకలోనూ హవా సాగిస్తోంది. ఇప్పటికే మాటీవీ.. ఫిలిం ఫేర్ అవార్డుల్లో ఈ చిత్రానికి పురస్కారాల పంట పండింది. గత ఏడాది ‘బాహుబలి’ ఉండటం వల్ల ఇంకా ఈ సినిమాకు అవార్డులు తగ్గాయి కానీ.. లేదంటే మరిన్ని పురస్కారాలు వరించేవి.
ఇప్పటివరకు సైమా అవార్డుల వేడుకలు ఐదుసార్లు జరగ్గా.. మూడు సార్లు తెలుగు నుంచి ఉత్తమ నటుడిగా మహేష్ బాబే ఎంపికవడం విశేషం. 2012లో దూకుడు.. 2014లో సీతమ్మ వాకిట్లో సిరిమల్లె చెట్టు చిత్రాలకు ఇంతకుముందు మహేష్ ఉత్తమ నటుడి పురస్కారం అందుకున్నాడు. తాజాగా ‘శ్రీమంతుడు’తో మూడో అవార్డు ఖాతాలో వేసుకున్నాడు. కొరటాల శివ దర్శకత్వం వహించిన ‘శ్రీమంతుడు’ ప్రతి అవార్డుల వేడుకలోనూ హవా సాగిస్తోంది. ఇప్పటికే మాటీవీ.. ఫిలిం ఫేర్ అవార్డుల్లో ఈ చిత్రానికి పురస్కారాల పంట పండింది. గత ఏడాది ‘బాహుబలి’ ఉండటం వల్ల ఇంకా ఈ సినిమాకు అవార్డులు తగ్గాయి కానీ.. లేదంటే మరిన్ని పురస్కారాలు వరించేవి.