అర్జున్ తో పెళ్లి ఎలా ఉండాలో చెప్పిన మ‌లైకా!

మ‌లైకా అరోరా - అర్జున్ క‌పూర్ ప్రేమాయ‌ణం గురించి తెలిసిందే. 46 ఏళ్ల మ‌లైకా 32 ఏళ్ల అర్జున్ ని పెళ్లాడేందుకు త‌హ‌త‌హ‌లాడుతోందంటూ ఇంత‌కుముందు ముంబై మీడియాలో బోలెడంత ప్ర‌చారం సాగింది. అయితే ఆ పెళ్లి సంగ‌తి ఎత్తితే దానిపై గుంబ‌న‌గానే స‌మాధాన‌మిచ్చేది మ‌లైకా. ఇప్ప‌ట్లో పెళ్లి ఆలోచ‌న లేద‌ని ఇలానే హ్యాపీగా ఉన్నామ‌ని చెప్పేది. అయితే కుర్ర‌హీరోతో పెళ్లి మ్యాట‌ర్ ని మీడియా విడిచిపెట్ట‌కుండా ప‌దే పదే ప్ర‌శ్నిస్తుండ‌డంతో త‌న‌లో హిడెన్ గా దాగి ఉన్న ఎజెండా మొత్తం బ‌య‌ట‌పెట్టేసింది మ‌లైకా. నేహా ధూపియా చాట్ షోలో పెళ్లి మ్యాట‌ర్ ని మ‌లైకా రివీల్ చేసింది.

ఇంత‌కీ త‌న పెళ్లి ఎలా జ‌ర‌గాల‌ని మలైకా అనుకుంటోంది? అంటే.. హాలీవుడ్ స్టైల్లో బీచ్ లో కిరాక్ పుట్టించే  లెవ‌ల్లో ఉండాల‌ని .. వైట్ వెడ్డింగ్ స్టైల్ ఇష్ట‌మ‌ని చెప్పింది. పెళ్లిలో త‌న చుట్టూ ప‌రిచారిక‌లు ఉండాల‌ని మ‌లైకా కోరుకుంది. అయితే వ‌ధువు చుట్టూ ఉండే ప‌రిచారిక‌లంతా త‌న స్నేహితురాళ్లు అయితే మ‌రీ మంచిద‌ని అంది. నా గ‌ర్ల్ గ్యాంగ్ అంటే నాకెంతో ఇష్టం. వాళ్లంద‌రి న‌డుమా త‌న పెళ్లి జ‌ర‌గాల‌ని మ‌లైకా కోరుకుంది. బీచ్ లో సెమీ ఫార్మ‌ల్ వైట్ వెడ్డింగ్ ని తాను కోరుకుంటున్నాన‌ని తెలిపింది.

ఇక మ‌లైకా గ‌ర్ల్  గ్యాంగ్ గురించి ఎంత చెప్పినా తక్కువే. ఈ గ్యాంగ్ లో ఎవ‌రెవ‌రు ఉన్నారు? అంటే.. క‌రిష్మా కపూర్.. క‌రీనా క‌పూర్.. శిల్పా శెట్టి.. జాన్వి కపూర్.. అనన్య పాండే .. షానయ కపూర్ తో కూడిన ముఠా ఇప్ప‌టికే బోలెడంత పాపుల‌రైంది. శిల్పా శెట్టి ఈ గ్యాంగ్ ని 'బాస్ బేబ్స్ క్లబ్' అని పిలుస్తుంది. ఇక వీళ్ల‌తో  బ‌ర్త్ డే పార్టీలు.. విదేశీ బీచ్ వెకేష‌న్స్ అంటూ టింగురంగ‌డిలా అర్జున్ క‌పూర్ చెట్టాప‌ట్టాల్ వేసుకుని తిరిగేస్తుంటాడు. ఇక అర్జున్ ని మ‌లైకా ప్రేమిస్తోంది అన‌గానే.. ఈ బేబ్స్ గ్యాంగ్ ముందుగా ఎంతో హ్యాపీ ఫీలైంది. అందుకే ఇప్పుడు ఆ గ్యాంగ్ స‌మ‌క్షంలోనే త‌న పెళ్లి జ‌ర‌గాల‌ని మ‌లైకా కోరుకుంటోంద‌న్న‌మాట‌!