లేడి డైరెక్టర్ టేకింగ్ గురించి టాక్..

టాలీవుడ్ లో తెరపై మాత్రమే మహిళలు కనిపిస్తారు. కానీ తెరవెనుక గర్ల్స్ ఎక్కువగా కనిపించరు. ఎదో ఫ్యాషన్ డిజైనర్ గా తప్పితే మిగతా యూనిట్ వారు కనిపించేది చాలా తక్కువ. ఇక అప్పుడప్పుడు డైరెక్షన్ చేస్తూ కొంత మంది లేడిస్ మంచి టెక్నీషియన్ అని గుర్తింపు తెచ్చుకుంటున్నారు. ఇక ప్రస్తుతం అదే తరహాలో అందరిని ఆకర్షిస్తున్నారు మరో వుమెన్ డైరెక్టర్. ఆమె ఎవరో కాదు. సూపర్ స్టార్ మహేష్ సోదరి మంజుల ఘట్టమనేని.

ప్రస్తుతం ఆమె మనసుకు నచ్చింది అనే సినిమాను డైరెక్ట్ చేస్తోన్న సంగతి తెలిసిందే. అయితే మొదట ఈ ప్రాజెక్ట్ గురించి అంతగా ఎవరు పట్టించుకోలేదు. ఎదో ట్రై చేస్తోంది అనుకున్నారు. కానీ మంజుల తన పని తనాన్నీ కొంచెం కొంచెంగా చూపిస్తోంది. సినిమా ఫస్ట్ లుక్ నుంచి టీజర్ వరకు ఫ్రెష్ ఫీల్ ను కలిగేలా చేస్తోంది. ఇంతకుముందు ఎన్నో లవ్ స్టోరీస్ వచ్చాయి. కానీ ఇది చాలా కొత్తగా ఉందే అనేలా మంజుల అందరి మనసుకు నచ్చేలా టాక్ ను సొంతం చేసుకుంటోంది.

రీసెంట్ గా సినిమాలోని ఓ పిల్లా అనే సాంగ్ టీజర్ కూడా రిలీజ్ అయ్యింది. ప్రేక్షకులకు ఆ పాట కన్నా టేకింగ్ ఎక్కువగా నచ్చుతోంది. సాధారణంగా మ్యూజిక్ సినిమాకి ప్రాణం పోస్తుంది అంటారు. ఇక్కడ మాత్రం పాటకు ప్రాణం పోసేలా మంజుల టేకింగ్ ఉందని చాలా స్టైలిష్ గా సినిమాను తెరకెక్కిస్తున్నారు అని ప్రస్తుతం సినీ ప్రముఖులు చర్చించుకుంటున్నారు. ఇక సినిమాలో హీరోగా సందీప్ కిషన్ కనిపిస్తోన్న సంగతి తెలిసిందే. అతనికి జోడిగా అమైరా దస్తూర్ నటిస్తోంది.

Full View