మంచు హీరో పాన్ ఇండియా ప్లాన్ వర్కౌట్ అవుతుందా..??

తెలుగు ఇండస్ట్రీలో కొన్నేళ్లుగా తెలుగుహీరోలే వరుస ఫ్లాప్ సినిమాలను భరించలేకపోతున్నారు. అలాంటి హీరోలలో ఒకరు మంచు విష్ణు. కొన్నేళ్లుగా ఈ హీరో ఓ మాదిరి హిట్ కూడా అందుకోలేకపోయాడు. ఆచారి అమెరికా యాత్ర, ఓటర్ సినిమాలు వచ్చాయి కానీ అవి ఘోరమైన ఫలితాన్ని తెచ్చిపెట్టాయి. ఇవన్నీ కాదని చెప్పి విష్ణు భారీ గ్యాప్ తీసుకొని ఎలాగైనా ఓ సాలిడ్ హిట్టు కొట్టాలనే ప్రయత్నం చేస్తున్నాడు. కెరీర్ ప్రారంభించిన ఐదారేళ్లకు స్టార్ హీరోలుగా ఎదిగిన వారున్నారు. కానీ విష్ణు కెరీర్ ఎప్పుడు ప్రారంభం అయిందో అందరికి తెలిసిందే. ఇన్నేళ్లుగా విష్ణు ఆ ఫీట్ అందుకోలేకపోయాడు. ఆయన చివరి సినిమా వచ్చి రెండేళ్ల పైనే అవుతోంది. కానీ ఈసారి రీఎంట్రీ మాత్రం పక్కా ప్రణాళికతో ప్లాన్ చేసినట్లు తెలుస్తుంది. ప్రస్తుతం విష్ణు హీరోగా "మోసగాళ్లు" అనే పాన్ ఇండియా సినిమా రెడీ చేసాడు. అయితే ఈ సినిమాను ఇదివరకు కేవలం తెలుగు, హిందీ, ఇంగ్లీష్ భాషలలో రిలీజ్ చేస్తానని చెప్పాడు.

కానీ సడన్ గా ట్రైలర్ లో మాత్రం తమిళ, కన్నడ, మలయాళంలో కూడా రిలీజ్ చేస్తున్నట్లు ప్రకటించాడు. అంటే మోసగాళ్లు మూవీ మొత్తం ఆరు భాషల్లో విడుదల కాబోతుంది. ఇంతగట్టి నిర్ణయం తీసుకున్నాడంటే సినిమాలో ఏదో బలమైన మ్యాటర్ ఉంటుందని ప్రేక్షకులు భావిస్తున్నారు. తాజా సమాచారం ప్రకారం.. ఈ సినిమా విడుదల తేదీ ఖరారైందని తెలుస్తుంది. విష్ణు నటిస్తూ నిర్మాతగా వ్యవహరిస్తున్న ఈ మల్టీలాంగ్వేజ్ సినిమా మార్చ్ 19న విడుదల అయ్యే అవకాశలు ఉన్నట్లు సినీవర్గాలలో టాక్. తెలుగులో కాకుండా ఈ సినిమా మిగతా భాషల్లో 'అర్జున్ అండ్ అను' అనే పేరుతో విడుదల కాబోతుంది. అయితే మరి మార్కెట్ లేదనుకుంటున్న విష్ణు పాన్ ఇండియా వైడ్ ఎలా ప్లాన్ చేసాడు.. అనే సందేహాలు వ్యక్తం అవుతున్నాయి. కానీ అందుకు పాన్ ఇండియా వైడ్ ఫేమ్ కలిగిన హీరోయిన్ కాజల్ అగర్వాల్ అనే పుకార్లు వినిపిస్తున్నాయి. కాజల్ హిందీ, తమిళ ఇండస్ట్రీలలో బాగానే పాపులారిటీ సొంతం చేసుకుంది. అలాగే ఈ సినిమాలో సునీల్ శెట్టి, నవదీప్, నవీన్ చంద్ర కీలకపాత్రలు పోషిస్తున్నారు. వీరందరితో పాటు విష్ణు కథను నమ్మాడంటూ టాక్. జెఫ్రి ఘీ చిన్ దర్శకత్వం వహించిన ఈ సినిమాను హీరో  విష్ణునే నిర్మించాడు. చూడాలి మరి విష్ణు పాన్ ఇండియా ప్లాన్ వర్కౌట్ అవుతుందేమో!