నీహారికతో పవన్ ఆప్తుడి సినిమా

పవన్ కళ్యాణ్ హీరోగా ఎన్ని సినిమాలు ఇంకా వస్తాయనే విషయం చెప్పలేం కానీ.. పవన్ ఇప్పుడు నిర్మాతగా మారి నితిన్ తో ఓ సినిమా చేస్తున్నాడు. రామ్ చరణ్ హీరోగా ఓ సినిమా రూపొందించే అవకాశం కూడా ఉందని టాక్ వినిపిస్తోంది. ఇప్పుడు మెగా బ్రదర్ నాగబాబు కూతురు హీరోయిన్ గా ఓ సినిమా సిద్ధమవుతోంది.

గతేడాది జూన్ లో తన మొదటి సినిమా ఒక మనసు రిలీజ్ అయి.. డిజప్పాయింట్ చేసిన తర్వాత ఏడాది పాటు గ్యాప్ తీసుకున్న నీహారిక.. ఇప్పుడు కొత్త సినిమాను స్టార్ట్ చేసింది. ఒకసారి హీరోయిన్ గా మారాక.. అందులోను మెగా డాటర్ కు రెండో సినిమా రావడం పెద్ద విషయమేమీ కాదు కానీ.. ఈ మూవీ నిర్మాతల్లో ఒకరు మారిశెట్టి రాఘవయ్య కావడమే అసలు టాపిక్. ఈ రాఘవయ్య ఎవరంటే.. పవన్ కు అత్యంత ఆప్తుల్లో ఒకడు. ఇప్పుడు కాదు.. చిరంజీవి ప్రజారాజ్యం ప్రారంభించినపుడు.. యువరాజ్యం అధ్యక్షుడిగా పవన్ కళ్యాణ్ ఉన్నప్పటి నుంచి పవన్ కు సన్నిహితంగా మెలిగే వ్యక్తి.

ఇప్పుడీయన జనసేనకు ట్రెజరర్ గా వ్యవహరిస్తున్నాడు. జనసేన పార్టీ కోశాధికారి.. నీహారిక హీరోయిన్ గా సినిమా చేయడం ఆసక్తి కలిగిస్తోంది. కూతురు హీరోయిన్ గా నటిస్తుంటే.. బాబాయ్ పవన్ కళ్యాణ్ కు సన్నిహితులు సినిమా నిర్మించడం.. కొత్త కాన్సెప్ట్ అనే చెప్పాలి.

Like Us on Facebook : https://www.facebook.com/Tupakidotcom/