ట్రైలర్ టాక్‌: వేరియేషన్ స్టార్ వీరబాబు

మీలో ఎవరు కోటీశ్వరుడు.. తెలుగు బుల్లితెరపై సెన్సేషన్స్ సృష్టించిన షో ఇది. అక్కినేని నాగార్జున తొలిసారిగా బుల్లితెరపై కనిపించడం.. కార్యక్రమాన్ని హోస్ట్ చేయడంతో.. ఎంఈకే టీఆర్పీలు అమాంతం ఆకాశాన్నంటాయి. ఇప్పుడు మెగాస్టార్ చిరంజీవి ఆ ప్లేస్ లోకి ఎంట్రీ ఇవ్వడం.. మీలో ఎవరు కోటీశ్వరుడు అనే వర్డింగ్ మరింతగా జనాల్లో నానుతోంది. దాన్నే టైటిల్ గా పెట్టేసుకుని ఓ సినిమా వచ్చేస్తోంది. పేరుకు నవీన్ చంద్ర-శృతి సోథి ప్రధాన జంట అయినా.. మీలో ఎవరు కోటీశ్వరుడు సంబంధించిన ఆన్ స్క్రీన్-ఆఫ్ స్క్రీన్ కథ అంతా థర్టీ ఇయర్స్ పృథ్వీ- సలోనిల జంట చుట్టే తిరుగుతోంది.

బాయిలింగ్ స్టార్ బబ్లూ పాత్రతో ఇరగదీసేసిన తర్వాత పృథ్వీ చాలానే రోల్స్ చేశాడు కానీ.. మళ్లీ అంతకు మించిన రోల్ 'వేరియేషన్ స్టార్ వీరబాబు'గా కనిపించడమే మీలో ఎవరు కోటీశ్వరుడు హైలైట్. ఎంట్రీ ఇచ్చిన మొదట్లోనే తన పేరు మహేష్ బాబు అని చెప్పడం.. మహేష్ ఇంట్లో పనోడిలా ఉన్నావ్.. నువ్వు మహేష్ బాబేంట్రా అంటూ పంచ్ వేయడం కామెడీ మొదలు పెడితే.. చివర్లో జనతా గ్యారేజ్ లో ఎన్టీఆర్ చెప్పిన 'జస్ట్ ఫర్ ఏ ఛేంజ్' డైలాగ్ ని పేరడీ చేస్తూ.. పృథ్వీ చెప్పిన వేరియేషన్ స్టార్ వీరబాబు డైలాగ్ అదరహో అనాల్సిందే.

మిగిలిన జంటను నామమాత్రంగా చూపించి బాగానే నడిపించేశారు. సలోనీ కూడా పృథ్వీతో రొమాన్స్ సీరియస్ గానే పండించింది. ఇక కుర్ర జంట రొమాన్స్ అయితే.. హద్దు దాటించినట్లే అనిపించింది. ట్రైలర్ లో పండినట్లుగానే.. సినిమాలో కూడా వేరియేషన్ స్టార్ వీరబాబు కేరక్టర్ పండిందంటే.. మీలో ఎవరు కోటీశ్వరుడు ప్రోగామ్ టైపులో.. ఈ సినిమా కూడా హిట్ అవడం ఖాయం అనుకోవచ్చు.
Full View


Like Us on Facebook : https://www.facebook.com/Tupakidotcom/