పవన్ హీరోయిన్ కావాలనే ఎన్టీఆర్ ని టార్గెట్ చేసిందా...?

పవర్ స్టార్ పవన్ కళ్యాణ్‌ కి జోడీగా 'బంగారం' చిత్రంలో నటించింది మీరా చోప్రా. ఆ తరువాత వచ్చిన ‘వాన’ చిత్రంలో ఆకట్టుకుంది. కానీ అమ్మడికి టాలీవుడ్ లో క్రేజ్ మాత్రం రాలేదు. 'మారో' 'గ్రీకువీరుడు' లాంటి చిత్రాల్లో నటించినా అమ్మడి కెరీర్ కి పెద్దగా ఉపయోగపడలేదు. ఆ తర్వాత టాలీవుడ్ లో మళ్ళీ కనిపించలేదు మీరా. అయితే ఇప్పుడు మీరా చోప్రా అనూహ్యరీతిలో తెరపైకి వచ్చారు. తనను జూనియర్ ఎన్టీఆర్ ఫ్యాన్స్ వేధిస్తున్నారంటూ మీరా చోప్రా ఎన్టీఆర్ అభిమానులపై సైబర్‌ క్రైమ్ పోలీసులకు ఫిర్యాదు చేసింది. తనను అసభ్య పదజాలంతో దూషించారని ఆమె కంప్లైంట్ లో పేర్కొన్నారు. విషయంలోకి వెళితే ఇటీవల మీరా చోప్రా ట్విటర్‌ లో అభిమానులతో చాట్ లో పాల్గొనడం జరిగింది. ఈ సందర్భంగా ఓ నెటిజన్‌ తెలుగులో మీకు ఇష్టమైన హీరో ఎవరని ప్రశ్నించగా.. దానికి ఆమె 'మహేష్‌ బాబు' అని ఆమె సమాధానం ఇచ్చారు. అంతేకాకుండా పవర్ స్టార్ పవన్ పవన్ కళ్యాణ్ గురించి ఒక్క మాటలో చెప్పమంటే ఆయనో సూపర్ స్టార్ అని చెప్పుకొచ్చింది. అంతేకాకుండా ఓ నెటిజన్‌ ఎన్టీఆర్‌ గురించి ఏమైనా చెప్పండి అని అడుగగా.. 'నాకు ఆయన గురించి తెలియదు. నేను ఆయన అభిమానిని కాదు' అని మీరా సమాధానమిచ్చింది.

మీరా చోప్రా ఇచ్చిన సమాధానంతో అసహనానికి గురైన కొందరు నెటిజన్లు ఆమెను అసభ్య పదజాలంతో దూషిస్తూ ట్వీట్లు పెట్టారు. అంతేకాకుండా ఆన్‌ లైన్‌ వేదికగా బెదిరింపులకు పాల్పడ్డారు. వారి ట్వీట్స్ కి సంబంధించిన స్క్రీన్ షాట్స్ తీసి ఆధారాలు ఆమె ప్రొడ్యూస్ చేశారు. అలాగే సదరు అభిమానుల ట్విట్టర్ అకౌంట్స్ డిలీట్ చేయాలని మీరా చోప్రా ట్విట్టర్ ప్రతినిధులకు రిపోర్ట్ చేశారు. ఈ సందర్భంగా ఎన్టీఆర్‌ ని ట్యాగ్ చేస్తూ.. 'మీ అభిమానులు నా తల్లిదండ్రులకు కూడా ఇలాంటి అసభ్యకరమైన సందేశాలు పంపుతున్నారు. ఇటువంటి అభిమానులతో మీరు సక్సెస్ సాధించినట్టు భావిస్తున్నారా' అని ఎన్టీఆర్‌ని ప్రశ్నించింది మీరా చోప్రా. తన ట్వీట్‌ పై ఎన్టీఆర్ తప్పకుండా స్పందిస్తారని ఆశాభావం వ్యక్తం చేసింది. ఈ ఇన్సిడెంట్ తో ట్విట్టర్ లో ఇతర హీరోల ఫ్యాన్స్ మీరా చోప్రాకి సపోర్ట్ చేస్తూ #WeSupportMeeraChopra హ్యాష్ ట్యాగ్ తో నేషనల్ వైడ్ ట్రెండ్ చేసారు. అంతేకాకుండా ఈ న్యూస్ ప్రాంతీయ మీడియాతో పాటు నేషనల్ మీడియా ఛానల్స్ కూడా టెలికాస్ట్ చేసాయి. దీంతో ఒక్కసారిగా మీరా చోప్రా తెర మీదకి వచ్చేసింది.

అయితే ఇప్పుడు మీరా చోప్రా కావాలనే ఎన్టీఆర్ ని టార్గెట్ చేసిందని తారక్ ఫ్యాన్స్ ఆరోపిస్తున్నారు. సినిమా ఆఫర్స్ లేకపోవడంతో మీడియా అట్టెన్షన్ కోరుకొని ఇలా చేసిందని ఆరోపిస్తున్నారు. గతంలో ఎన్టీఆర్ సినిమా ఆఫర్ మిస్ అయిన మీరా.. ఇప్పుడు పాన్ ఇండియా స్టార్ గా మారిపోయిన ఎన్టీఆర్ ని అనవసరంగా ఈ ఇన్సిడెంట్ లోకి లాక్కోస్తుందని అంటున్నారు. 'ఆర్.ఆర్.ఆర్' సినిమా ద్వారా బాలీవుడ్ జనాలు సైతం తారక్ గురించి ఆరా తీస్తుంటే ఈ అమ్మడికి ఎన్టీఆర్ తెలియకపోవడం ఏంటని.. ఇప్పుడు సోషల్ మీడియాలో తారక్ ని ట్యాగ్ చేస్తూ పోస్టులు పెట్టడం చూస్తే ఇదంతా నిజమే అనిపిస్తున్నదని కామెంట్స్ చేస్తున్నారు. ఆర్.ఆర్.ఆర్ సినిమాతో నేషనల్ వైడ్ స్టార్ హీరోగా మారిపోతాడనే అక్కసుతో కావాలనే ఇదంతా చేస్తున్నారని ఎన్టీఆర్ ఫ్యాన్స్ ఆరోపిస్తున్నారు. కొంతమంది అభిమానులు అతిగా వెళ్లి మూర్ఖంగా వ్యవహరిస్తే హీరో మాత్రం ఏమి చేయగలడు ఎలా స్పందించగలడు.. దానికి హీరో ఎలా కారణం అవుతాడని హీరో స్పందించాలి అంటూ మీరా ని ప్రశ్నిస్తున్నారు. మరి ఈ ఇష్యూ ఎంత దూరం వెళ్తుందో చూడాలి.