మెగా కుర్రాడు బెంబేలెత్తించేశాడే..

నిన్న ప్రపంచవ్యాప్తంగా ఎక్కడ చూసినా హాలోవీన్ పార్టీ సంబరాలే. సెలబ్రెటీలు.. సామాన్యులు అని.. చిన్నా పెద్దా అని తేడా లేకుండా భయం గొలిపే మేకప్పులతో తయారై.. సోషల్ మీడియాలో ఫొటోలు షేర్ చేసి సందడి చేశారు. ఈ సందర్భంగా టాలీవుడ్ సెలబ్రెటీల్లో హాలోవీన్ గెటప్ తో అందరికంటే బాగా ఆకట్టుకున్నది ఎవరు అంటే.. మెగా కుర్రాడు వరుణ్ తేజ్ అనే చెప్పాలి. అతను భీతి గొలిపే అవతారంలోకి మారిపోయి అందరికీ పెద్ద షాకే ఇచ్చాడు. అతడి హాలోవీన్ గెటప్ ను రామ్ చరణ్ భార్య ఉపాసన కామినేని ట్విట్టర్లో జనాలకు పరిచయం చేయడం విశేషం.

వరుణ్ హాలోవీన్ గెటప్ ఫొటోను ట్విట్టర్లో పెట్టి.. ఇందులో ఉన్నది ఎవరో కనుక్కోండి అంటూ పజిల్ విసిరింది ఉపాసన. అక్కడున్నది వరుణ్ అని అందరూ గుర్తు పట్టేశారు కానీ.. అతనలా తయారవడం చూసి ఆశ్చర్యపోయారు. మరోవైపు అల్లు అర్జున్ తనయుడు అల్లు అయాన్ కూడా హాలోవీన్ గెటప్ తో సందడి చేశాడు. అతడి లుక్ కూడా అందరినీ ఆకట్టుకుంది. మొత్తానికి ఏడాదిలో ఎప్పుడు ఏ పండగ వచ్చినా తమదైన శైలిలో సెలబ్రేట్ చేసుకునే మెగా ఫ్యామిలీ హాలోవీన్ సెలబ్రేషన్స్ విషయంలోనూ తమకు తామే సాటి అని రుజువు చేసింది. ఇది మెగా అభిమానులకు చాలా సంతోషాన్నిచ్చింది.