మెగా హీరోల సంక్రాంతి సంబరాలు..అంతా ఒక్కచోట చేరి ఎంజాయ్!!

సంక్రాంతి పండగ వచ్చిందంటే తెలుగు రాష్ట్రాల ప్రజల ఇంట్లో సందడే సందడి నెలకొంటుంది. ప్రతీ ఇంటా చిన్నాపెద్దా అంతా కలిసి ఉల్లాసంగా - ఉత్సాహంగా ఎంజాయ్ చేస్తుంటారు. ఈ కోవలోనే మెగా హీరోలంతా ఒక్కచోట చేరి ఈ సంక్రాంతిని ఘనంగా జరుపుకున్నారు. చిరంజీవి మొదలుకొని యువ హీరోల వరకు అంతా తెగ సందడి చేస్తూ ఫొటోలకు ఫోజులిచ్చారు.

సంక్రాంతి స్పెషల్‌గా మెగా గెట్ టుగెదర్ ఏర్పాటు చేసుకున్న మెగా హీరోలు.. ఇందుకోసం జూబ్లీ హిల్స్ లోని చిరంజీవి కొత్త బంగ్లాను వేదిక చేసుకున్నారు. అక్కడే అంతా కలిసి సంక్రాంతి ట్రీట్ చేసుకున్నారు. ఈ సందర్బంగా అంతా కలిసి ఓ గ్రూప్ ఫొటో దిగారు. ఈ ఫొటోను మెగా పవర్‌ స్టార్ రామ్ చరణ్ తన సోషల్ మీడియా ఖాతా ద్వారా షేర్ చేస్తూ ప్రేక్షకులకు సంక్రాంతి శుభాకాంక్షలు తెలిపారు.

చిరంజీవి ప్రత్యేక ఆకర్షణగా నిలుస్తున్న ఈ పిక్‌ లో రామ్ చరణ్ - అల్లు అర్జున్ - వరుణ్ తేజ్ - సాయిధరమ్ తేజ్‌ - పవన్ కళ్యాణ్ కొడుకు అకీరా నందన్ - అల్లు  శిరీష్ - చిరంజీవి అల్లుడు కళ్యాణ్ దేవ్ - వైష్ణవ్ తేజ్ కనిపిస్తున్నారు. పవన్ కళ్యాణ్ - నాగబాబు - నిహారిక - సుష్మిత - శ్రీజలు మిస్ అయ్యారు. మెగా హీరోలంతా ఇలా ఒకే ఫ్రేమ్‌ లో కనిపించడంతో ఈ పిక్ సోషల్ మీడియాలో వైరల్‌ గా మారింది. ఈ పిక్ చూసి మెగా అభిమానులు తెగ మురిసిపోతూ చిరు ఫ్యామిలీకి సంక్రాంతి విషెస్ తెలుపుతున్నారు.