సుధీర్ మెహ్రీన్ ఒక రొమాంటిక్ డ్రామా

హీరో సుధీర్ బాబు 'సమ్మోహనం' సినిమాతో అందరినీ మెప్పించాడు.  ఇంద్రగంటి మోహన కృష్ణ దర్శకత్వంలో తెరకెక్కిన ఈ చిత్రం ప్రేక్షకులనే కాకుండా  సెలెబ్రిటీలను కూడా మెప్పించింది.  ఆ సినిమా తర్వాత నూతన దర్శకుడు RS నాయుడు తో 'నన్ను దోచుకొందువటే' అనే సినిమా చేస్తున్నాడు.  దీంతో పాటుగా మరో నారా రోహిత్ - శ్రీ విష్ణు ల 'వీరభోగ వసంత రాయలు' సినిమాలో కూడా ఒక కీలక పాత్రలో నటిస్తున్నాడు.  ఇవి కాకుండా ఈ రోజు మరో కొత్త సినిమాలాంచ్ జరుగుతోంది.

ఈ సినిమాతో పులివాసు అనే దర్శకుడు టాలీవుడ్ కు పరిచయం అవుతున్నాడు.  ఈ డెబ్యూ డైరెక్టర్ చెప్పిన స్టొరీ నచ్చడంతో సుధీర్ బాబు సినిమాకు వెంటనే గ్రీన్ సిగ్నల్ ఇచ్చాడట. ఈ సినిమా ఒక రొమాంటిక్ డ్రామాగా తెరకెక్కనుందట.   ప్రీ ప్రొడక్షన్ కంప్లీట్ అయిన ఈ సినిమాలో హీరోయిన్ గా మెహ్రీన్ కౌర్ ను ఎంపిక చేసుకున్నారట నిర్మాతలు.  సినిమాలో హీరోయిన్ కు ప్రాధాన్యత ఉన్న రోల్ అని దీంతో మెహ్రీన్ ను తీసుకున్నారని అంటున్నారు యూనిట్ మెంబర్స్.

 ఈ సినిమాను రిజ్వాన్ ఎంటర్టైన్మెంట్స్ బ్యానర్ పై నిర్మిస్తారట. ఈ సినిమా లాంచ్ ఈరోజు రామానాయుడు స్టూడియోస్ లో జరుగుతుందట.  స్టార్ ప్రొడ్యూసర్ దిల్ రాజు -  డైరెక్టర్ వీ వీ వినాయక్ - పరుచూరి గోపాల కృష్ణ ఈ మూవీ లాంచ్ కు ముఖ్య అతిథులుగా హాజరవుతారని సమాచారం.