నాగ‌న్న బీటుకి జాక్స‌న్ స్టెప్పులేస్తే...

మైకెల్ జాక్సన్‌... పాప్ ప్ర‌పంచానికి దేవుడు. ఆయ‌న ఏ పాట‌కి కాలు క‌దిపినా.. అది సంచ‌ల‌న‌మే. మైకెల్ జాక్స‌న్ అంటే వెర్రెక్కిపోయేవాళ్ల సంఖ్య ల‌క్ష‌ల్లో ఉంటుంది. అలాంటి మైకెల్ జాక్స‌న్‌... రామ్ చ‌ర‌ణ్ ‘రంగ‌స్థ‌లం’ సినిమాలోని ‘నాగ‌న్న‌’ పాట‌కి చిందేస్తే ఎలా ఉంటుంది. అసలు సాధ్య‌మ‌య్యే ప‌నేనా... అయినా జాక్సెన్ చ‌నిపోయి చాలా ఏళ్ల‌య్యింది. అలాంటిది చెర్రీ పాట‌కి... జాక్స‌న్ ఎలా చిందేయ‌గ‌ల‌డు చెప్మా...

మామూలుగా అయితే ఇది సాధ్య‌మ‌య్యే ప‌ని కాదు. కానీ నేటి టెక్నాల‌జీతో దాన్ని సుసాధ్యం చేయొచ్చు. ఈ ప‌ని చేయ‌డం కోసం వీడియో ఎడిటింగ్ యాపులు బోలెడ‌న్ని అందుబాటులో ఉన్నాయి. ఈ ఆలోచ‌నే ఓ కుర్రాడికి వ‌చ్చింది. వెంట‌నే ఎడిట్ చేసి... మైకెల్ జాక్స‌న్ ఆల్బ‌మ్ They Don't Care About Us పాట‌లోని జాక్స‌న్ స్టెప్పుల‌ను... నాగ‌న్న స్టెప్పుల‌తో జ‌త‌చేశాడు. ఇలాంటి పాట‌ల‌ను ఎడిట్ చేస్తే సాధార‌ణంగా చాలా చోట్ల సింక్ కుద‌ర‌దు. కానీ ఈ పాట‌ను చూస్తే మాత్రం ఆశ్చ‌ర్య‌మేస్తుంది. దేవిశ్రీ‌ప్ర‌సాద్ బీట్ కి జాక్స‌న్ ముచ్చ‌ట‌ప‌డి చిందేసిన‌ట్టుగా సూప‌ర్బ్ గా సెట్ట‌య్యింది. ఈ ఎడిటెడ్ వెర్ష‌న్ చూసి ఆశ్చ‌ర్య‌పోయిన పాట‌ల ర‌చ‌యిత భాస్క‌ర భ‌ట్ల‌... త‌న ట్వీట్ట‌ర్ అకౌంట్‌ లో షేర్ చేశాడు.

‘ఆహా... ఇలాంటి ఐడియాలు ఎలా వ‌స్తాయ‌ని...’ అంటూ న‌వ్వుతున్న ఎమోజీలు పోస్ట్ చేశాడు. మైకెల్ జాక్స‌న్ చ‌నిపోయి దాదాపు ఎనిమిదేళ్లు కావ‌స్తోంది. అలాంటి పాప్ సంచ‌ల‌నాన్ని ఇలాంటి ఎడిట్స్ ద్వారా మ‌ళ్లీ చూసే స‌దుపాయం క‌లుగుతోందంటూ సంతోషిస్తున్నారు ఆయ‌న అభిమానులు.

వీడియో చూడటానికి క్లిక్ చేయండి

Full View