మోహనా ఇవి అవసరమా

కంప్లీట్ యాక్టర్ గా సౌత్ లో చాలా గొప్ప పేరున్న మోహన్ లాల్ కోరిమరీ వివాదాలు విమర్శలు కొనితెచ్చుకుంటున్నాడు. ఆ మధ్య లైంగిక వేధింపుల కేసులో అడ్డంగా బుక్కైన దిలీప్ ను సంఘం నుంచి బహిష్కరించకుండా ఉండేందుకు శతవిధాలా ప్రయత్నించిన లాల్ ఆ తర్వాత లేడీ ఆర్టిస్టుల రాజీనామాలతో వెనక్కు తగ్గాల్సి వచ్చింది. తాజాగా మీటూ ఉద్యమం మీద చేసిన కామెంట్స్ మరోసారి నెగటివ్ గా వార్తల్లో నిలిచే అవకాశం ఇచ్చిన సంగతి తెలిసిందే.

మీటూ ఫ్యాషన్ లాంటిదని కొన్ని రోజులు అయ్యాక అందరు మర్చిపోయి సర్దుకుంటారని చేసిన కామెంట్స్ మీద అక్కడి నటీమణులు భగ్గుమంటున్నారు. తమిళ సీనియర్ నటి రేవతి లాంటి వాళ్ళు మోహన్ లాల్ పేరు ప్రస్తావించకుండా ఇలా చులకన చేయడం గురించి మండిపడుతున్నారు. లాల్ తన మాటలను వెనక్కు తీసుకున్నా కూడా ఒక్కసారి నోరు జారాక ఫలితం ఎలా ఉంటుందో తెలిసిందే కదా.

మోహన్ లాల్ కొత్త సినిమా ఓడియన్ తెలుగులో విడుదల కాబోతోంది. షూటింగ్ చివరి స్టేజిలో ఉన్న ఈ సినిమాలో యువకుడిగా కనిపించడం కోసం లాల్ చాలా కసరత్తులు చేసి డైటింగ్ కూడా ఫాలో అయ్యాడు. జనతా గ్యారేజ్-మనమంతా లాంటి స్ట్రెయిట్ సినిమాల్లో మంచి పేరు తెచ్చుకున్న మోహన్ లాల్ డబ్బింగ్ మూవీ మన్యం పులి కమర్షియల్ గా ఘన విజయం సాదించింది. అందుకే ఓడియన్ మీద అంచనాలు బాగానే ఉన్నాయి. ఇటీవలే లాల్ క్యామియోలో ఒక కీలక పాత్రలో నటించిన కాయకులం కొచ్చున్ని బ్లాక్ బస్టర్ అయ్యింది. ఓడియన్ ఆయన కెరీర్లోనే అతి పెద్ద విడుదలకు ప్లాన్ చేస్తున్నారు. సినిమా డిస్ట్రిబ్యూషన్ లాంటి ఇతర వ్యాపారాల్లో ఉన్న  ఉన్న మోహన్ లాల్ మల్లు వుడ్ లోనే అత్యంత సంపన్నుడైన హీరో అని అక్కడి మీడియా టాక్