మోస్ట్ వాంటెడ్ అబ్బాయిగా ఎం.ఎల్.ఏ.

అటు హీరోగా ఇటు ప్రొడ్యూసర్ గా నందమూరి కళ్యాణ్ రామ్ అదరగొట్టేస్తున్నాడు. ఇజం సినిమా పెద్దగా ఆడకపోయినా, కళ్యాణ్ రామ్ నిర్మించిన జై లవ కుశ సినిమా మాత్రం బాక్స్ ఆఫీస్ దగ్గర బాగానే కలెక్షన్లు వసూలు చేసింది. ఎప్పుడో 2016 లో హీరోగా కనిపించిన ఈ 'అతనొక్కడే' హీరో ఇప్పుడు ఎం.ఎల్.ఏ గా మన ముందుకు రాబోతున్న విషయం తెలిసిందే.

ఎం.ఎల్.ఏ అనగానే ఇదేదో పొలిటికల్ సినిమా అనుకుంటే మీరు పప్పులో కాలేసినట్టే. ఇది ఒక పక్కా ఫ్యామిలీ ఎంటర్టైనర్ అని డైరెక్టర్ ఉపేంద్ర మాధవ్ బల్ల గుద్ది మరీ చెప్పేస్తున్నాడు. టాలీవుడ్ చందమామ కాజల్ తన మొదటి సినీమా లక్ష్మీ కల్యాణం తర్వాత ఇప్పుడు మళ్లీ జాతకట్టబోతోంది. ఇవాళే ఈ సినిమా తాలూకు సాంగ్ లిరికల్ వీడియో ఒకటి యూట్యూబ్ లో రిలీజ్ చేశారు. అర్మాని సూటు, ఆడిదాస్ బూటు అంటూ మొదలయ్యే ఈ పాట ప్రేక్షకులకు బాగా నచ్చేసింది. మోస్ట్ వాంటెడ్ అబ్బాయి అంటూ ఎం.ఎల్.ఏ అదే మన కళ్యాణ్ రామ్ ని తెగ పొగిడేస్తున్నారు. ఈ పాట లో చూపిస్తున్న ఫొటోలలో కాజల్ క్యూట్ గా కళ్యాణ్ రామ్ హ్యాండ్సమ్ గా ఉండగా ఈ జంట మధ్య కెమిస్ట్రీ అదిరిపోయింది.

మణిశర్మ కంపోజ్ చేసింది మ్యూజిక్ వినసొంపుగా అందరిని ఆకట్టేసుకుంటోంది. ఈ సినెమపైన అంచనాలు కూడా బాగానే ఉన్నాయి. సి.బి.చౌదరి - ఎం.వి.కిరణ్ నిర్మిస్తున్న ఈ చిత్రం త్వరలో మన ముందుకు రాబోతోంది. ఎం.ఎల్.ఏ తో పాటు కళ్యాణ్ రామ్ తమన్నా తో నా నువ్వే సినిమాలో కూడా నటిస్తున్నాడు.

Full View